Sýretti túsirgen – Valerıı Býgaev
Oblys ortalyǵyndaǵy jolaýshylar tasymalyn uıymdastyratyn iri kompanııa – «№1 avtobýs parki» JShS jalpy syıymdylyǵy 56 adamǵa arnalǵan birinshi sanattaǵy «Isuzu» markaly avtobýstaryn satyp aldy. Osy aptada alǵashqy 30 avtobýs jetkizildi. Qoǵamdyq kólikterde jolaýshylarǵa yńǵaıly jaǵdaılar jasalǵan. Múmkindigi shekteýli azamattardyń minip-túsine arnalǵan apparelmen, salqyndatqyshpen jáne taǵy basqa qajetti qural-aspaptarmen jabdyqtalǵan.
Jańa avtobýstar №115 jáne №126 baǵyttar boıynsha qala kóshelerine shyǵady. Buǵan deıin atalǵan baǵyttardyń jumysyna qatysty qala turǵyndarynan shaǵym jıi túsken. №115 baǵytta 10 avtobýs jáne №126 baǵytta 16 avtobýs júredi. Al 4 avtobýs rezervte bolady. Qozǵalys aralyǵy eki ese qysqaryp, 10 mınýtty quraıdy.
Qala turǵyndaryna yńǵaıly bolý úshin qoǵamdyq kólikti jańartý tájirıbesi basqa da avtoparkterde, sondaı-aq tramvaı deposynda júzege asyrylýǵa tıis degen talap qoıylyp otyr. Pavlodar tramvaı basqarmasy jańadan 70 tramvaı satyp alýdy josparlap qoıdy.
Pavlodar oblysy
