Oqıǵa • 16 Mamyr, 2024

Almaty polısııasy 35 zańsyz mıgrantty deportasııalady

120 ret

kórsetildi

1 mın

oqý úshin

Almaty polısııasy 35 zańsyz mıgrantty óz atamekenine deportasııalady. Qazaqstanda kóshi-qon zańnamasyn óreskel buzǵan О́zbekstan, Tájikstan jáne Reseı Federasııasynyń azamattary anyqtaldy, dep habarlaıdy Egemen.kz Polisia.kz saıtyna silteme jasap.

Egemen Qazaqstan

Almaty polısııasy 35 zańsyz mıgrantty deportasııalady

Foto: Polisia.kz

Polıseıler «Quqyqtyq tártip» respýblıkalyq jedel-profılaktıkalyq is-sharasy barysynda zańsyz mıgranttardy anyqtady.

«Jumys bastalǵaly 832 kóshi-qon zańnamasyn buzýshy ákimshilik jaýapkershilikke tartylyp, 83 sheteldik Qazaqstan Respýblıkasynan shyǵaryldy. Qazaqstan Respýblıkasynda bolý erejelerin buzǵany úshin 319 sheteldik jaýapkershilikke tartyldy. Sheteldikterdiń Qazaqstan Respýblıkasynda bolýynyń zańdylyǵyn qamtamasyz etý sharalaryn qoldanbaǵany úshin 177 jumys berýshige aıyppul salyndy. Qazaqstan Respýblıkasyna sheteldik jumys kúshin tartý erejelerin buzǵan 23 jumys berýshi jaýapkershilikke tartyldy. Qabyldaý bólimine jeke basyn kýálandyratyn qujaty joq 171 sheteldik qabyldandy», dedi Almaty qalasy boıynsha kóshi-qon qyzmetiniń basshysy Ashat Býtýnchınov.

Nátıjesinde bir kúnde 35 zańsyz mıgrant deportasııalandy. Sondaı-aq Almatyda Qazaqstannan deportasııalaý týraly sot sheshimin oryndamaǵan 21 sheteldik ustaldy.

Qyrmyzy JUMAǴALIQYZY,

EUÝ stýdenti