Mundaǵy maqsat - aýyldyq jerlerde turǵyndardyń ómir súrý sapasyn jaqsartý jáne jaıly ómir súrý ortasyn qalyptastyrý.
Osy rette, oblys ákimi N.Nálibaevtyń qoldaýymen eldi mekenderde adam ómiri men densaýlyǵy úshin qolaıly qorshaǵan orta qalyptastyrý, jurtshylyqtyń tabıǵatty qorǵaýy men eldi mekenderdi tazalyq pen kógaldandyrý sharalaryna yntalandyrý maqsatynda oblystyq «Úlgili eldi meken» konkýrsy dástúrli túrde jyl saıyn ótkizilip keledi.
О́tken jyly konkýrs jeńimpazdaryna oblystyq bıýdjetten
990,0 mln teńge bólinip, arnaıy tehnıkalar alyndy.
Konkýrs kelesideı nomınasııalardan turady:
«Úlgili aýdan ortalyǵy» nomınasııasy:
1 orynǵa – 4 tehnıka (mýsorovoz, jol tazalaǵysh júk kóligi, assenızator mashınasy, kran manıpýlıatory);
2 orynǵa – 3 tehnıka (mýsorovoz, jol tazalaǵysh traktory, assenızator mashınasy);
3 orynǵa – 2 tehnıka (jol tazalaǵysh traktory, assenızator mashınasy).
«Úlgili aýyl» nomınasııasy:
1 orynǵa – 2 tehnıka (jer qazýshy traktory, júk tasymaldaýshy kóligi);
2 orynǵa – 2 tehnıka (jer qazýshy traktory, traktor tirkemesi);
3 orynǵa – 1 tehnıka (traktor).
«Qyzylorda qalasynyń úlgili shaǵyn aýdany» nomınasııasy:
1 orynǵa – 3 joba (skver, sporttyq oıyn alańdaryn salý, kóshe-aýlalardy jaryqtandyrý);
2 orynǵa – 2 joba (balalar jáne sporttyq oıyn alańdaryn salý);
3 orynǵa – 1 joba (skver salý).
Bıyl da bul baǵytta 436,0 mln teńgege arnaıy kommýnaldyq tehnıkalar alynady. Qorytyndysy shilde aıynda komıssııamen anyqtalyp, úlgili eldi mekenderge tabystalady.
О́tken jylǵy «Úlgili eldi meken» konkýrsynyń jeńimpazy retinde Syrdarııa aýdany, Naǵı Ilııasov aýyly tanylǵan edi.
Búginde eldi mekenge tabystalǵan arnaıy kommýnaldyq tehnıkalar aýyldy abattandyrý men tazalyǵyn saqtaý baǵytynda qyzmet etip jatyr.
Eldi meken kósheleriniń boıyna 50-ge jýyq konteıner qoıylǵan.
Sanıtarlyq tazalyq jumystaryn qoǵamdyq jumysqa tartylǵan aýyl turǵyndary jáne «Maǵjan ı K» seriktestiginiń arnaıy jumysshylary júrgizip jatyr. Jalpy, úzdikter kóshin bastaǵan birligi bekem, tirligi kórkem Naǵı Ilııasov aýylyn «Úlgili aýyl» dep aıtýǵa tolyq negiz bar. Jasampaz isterdiń uıytqysy bolǵan bul aýyl elimizdegi bastaý alǵan «Taza Qazaqstan» aksııasyna óz úlesin qosyp keledi.
Aýyl-aımaqtyń ajaryn aıshyqtap, kelbetin kórkem etetin «Úlgili eldi meken» syndy is-sharalar turǵyndardyń týǵan jerge, eline degen patrıottyq sezimin oıatyp, ekologııalyq aksııaǵa turǵyndar belsendiligin arttyrady.
Eske sala ketsek, aımaqta «Taza Qazaqstan» respýblıkalyq ekologııalyq aksııasyna 90 myńnan astam adam, sonyń ishinde memlekettik mekemeler men jeke uıymdar, eriktiler men turǵyndar qatysyp, is-sharalarǵa barlyǵy 884 tehnıka jumyldyryldy. Uıymdastyrylǵan tazalyq sharalary nátıjesinde 5654 tonna qoqys qaldyqtary shyǵarylyp, eldi mekenderdegi qoǵamdyq oryndar, skverler men parkter jáne sý aıdyndary men ózen, kól jaǵalaýlary tazartyldy.
Sondaı-aq kógaldandyrý sharalary aıasynda búgingi kúni 127 908 dana aǵash kóshetteri egildi.
Bul baǵyttaǵy sharalar áli de jalǵasady.
