Foto: @jenis_qasymbek
«Aqan Ákimjanovpen jáne onyń ata-anasymen kezdestim. Aqan óziniń jyldamdyǵymen jáne batyldyǵymen yqtımal qaıǵyly jaǵdaıdyń aldyn aldy. 7-synyp oqýshysy 4-qabatta ilinip turǵan kishkentaı búldirshindi qutqaryp qaldy. Aqannyń ata-anasyna erjúrek ul ósirip, laıyqty tárbıe bergeni úshin alǵysymdy bildiremin! Aqan sol sııaqty oqýda da, sportta da jetistikterge jetip júr! Muǵalimderi men synyptastary ol týraly adal dos, sanaly jáne jaýapkershiligi mol oqýshy degen pikirde», dep jazdy Astana ákimi Jeńis Qasymbek.
Ákim Aqanǵa planshet pen bir mıllıon teńgeni syıǵa tartty. Sondaı-aq bolashaqta kolledjge nemese ýnıversıtetke túsý kezinde de kómek kórsetetinin atap ótti.
