Foto: Senattyń baspasóz qyzmeti
Senat Tóraǵasynyń orynbasary Jaqyp Asanov: «Elderimiz bir-birine árqashan negizgi strategııalyq áriptes bolatynyna kúmán joq. Ekijaqty qatynastar barlyq salada jáne barlyq deńgeıde damı beredi. El múddesin ózara qurmetteý basty qaǵıdat bolyp tabylady. Memleketterimizdiń basshylary yntymaqtastyqty tereńdetýdi baǵdar etedi. Kóshbasshylarymyz bıyldyń ózinde, jarty jylǵa jetpeı birqatar kezdesý ótkizdi. Palatalar tóraǵalarynyń arqasynda Senat pen Federasııa Keńesiniń arasyndaǵy parlamentaralyq yntymaqtastyq sapaly túrde óristep keledi», dedi.
Reseı Federasııasy Federaldyq Jınalysy Federasııa Keńesi Tóraǵasynyń Birinshi orynbasary Andreı Iаskın men Omby oblysynyń gýbernatory Vıtalıı Hosenko óz kezeginde Reseı Qazaqstanmen yntymaqtastyqty joǵary baǵalaıtynyn, sondaı-aq ekijaqty qarym-qatynasty nyǵaıtýǵa belsendi yqpal etýge daıyn ekenin atap ótti.
Senator Talǵat Júnisov Reseı men Qazaqstan arasyndaǵy mádenı-gýmanıtarlyq yntymaqtastyq belsendi damyp kele jatqanyn atap, Qazaqstanda Jeńistiń 80 jyldyǵyn merekeleýge daıyndyq boıynsha ardagerlerge jáne tarıhı oqıǵalardyń umytylmaýyna erekshe nazar aýdarylyp jatqanyn, túrli sharalar men áskerı sherý josparlanyp otyrǵanyn tilge tıek etti.
Senat depýtaty Ernur Áıtkenov ekonomıka, mádenıet, bilim, densaýlyq saqtaý salalaryndaǵy yntymaqtastyqty tereńdetýdiń mańyzdylyǵyn atap, sondaı-aq ınnovasııalar, ekologııalyq ornyqty damý jáne kólik ınfraqurylymyn odan ári jaqsartý turǵysyndaǵy ózara is-qımyldyń eleýli áleýetin atap ótti.
