Tórt myń ul-qyz mektepten túlep ushty

Atalǵan tárbıe sa­ǵat­­ta­ryn­da synyp je­tek­shi­le­­ri oqýshy­lar­dy ótken oqý jylynyń qory­tyndy­symen ta­nys­tyryp, kelesi jylda ótiletin jańa pánder boıynsha baǵyt-baǵdar berdi.

Sońǵy qońyraýdan keıin 9 synyp oqýshylary men 11 synyp túlekteri qorytyndy attesta­sııa tapsyrady. 9 synyptarǵa arnal­ǵan qorytyndy emtıhandar 29 mamyr men 10 maýsym aralyǵyna jos­parlanyp otyr. Al 11 synyp oqýshylary 28 ma­myrdan 11 maý­sym­ǵa deıin mem­le­kettik emtı­handaryn tapsyrady.

Bıyl birinshi ret 5-8 synyptar men 10 synyp oqýshylary qazaq tili men ádebıeti páninen emtıhan tap­syrmaq. Al «Altyn belgi» ıegerleri bar­lyq mekteptegi emtıhandar aıaq­tal­ǵannan keıin marapattalady.

11 (12) synyp túlekterine attes­tat tapsyrý jáne erekshe úlgidegi «Altyn belgimen» marapattaý 12-15 maýsym aralyǵynda mektepterdegi barlyq emtıhan aıaqtalǵannan keıin ótedi.

«Bıyl oqýshylarymyz 15 ha­­­lyq­­aralyq syılyqty jeńip al­dy, onyń 4-eýi – altyn medal. Ha­lyq­­aralyq marapattardyń deni «Bilim – Innovasııa» lıseıi oqýshy­larynyń úlesinde. Mysa­ly, taıaýda ǵana atalǵan lıseıdiń oqýshysy Jan Dáýitov matematıka páni boıynsha Balqan olım­pıadasy­nyń altynyn ıe­len­di. Sony­men qatar 55 oqýshy – re­s­pýblı­kalyq olımpıadalar men ǵyly­mı jobalar baıqaýynda jeńim­paz, júldeger atandy. Oqýshy­larymyz respýblıkalyq ǵylymı jobalar konkýrsynyń qorytyndysy boıynsha 25 júl­deli oryn aldy. Munyń syrtynda, oblys oqýshylarynyń 6 joba­sy «Daryn» respýblıkalyq ǵy­ly­mı-praktıkalyq orta­ly­­ǵy­nyń gramotalarymen mara­pat­­tal­dy. Bıyl Qostanaı obly­synyń olımpıadashylary 29 júldeli orynǵa ıe boldy. Onyń ishinde respýb­lıkalyq oqýshylar olım­pıa­­dasynyń 5 altyn, 10 kúmis jáne 14 qola medali bar. Ásirese «Bilim – Innovasııa» lıseıin erek­­she atap ótkim keledi. Oqý jyly­nyń qorytyndysy boıyn­sha atalǵan lıseıdiń enshi­sinde 9 medal bar. Sonymen qatar Y.Altynsarın atyndaǵy da­ryn­dy balalarǵa arnalǵan mek­tep-ınternat, Qostanaıdaǵy №2 mek­tep-lıseıi, M. Qozybaev atyn­da­ǵy №23 mektep, Rýdnyı qala­sy­nyń №5, №2-gımnazııa­lary res­pýb­lıkalyq oqý­shylar olım­pıa­da­sy­nyń qorytyndysy boıynsha al­dyńǵy qatarly júz mekteptiń qa­taryna ilikti», deıdi oblystyq bi­lim basqarmasy basshysynyń oryn­basary Danagúl Súıindikova.

Qostanaı oblysy