Investısııany qoldaý keńsesi

AHQO soty men HTO qyz­metin 2018 jyly 1 qańtardan bas­tap atqaryp keledi. Osy alty jyldyń ishinde ınvestısııalarǵa baılanysty 2 600-den asa istiń jáne daý taraptarynyń 100% qanaǵattandyrylýyna sebepker boldy. Qazaqstanda bıznes júrgizetin 28 eldiń ınvestorlary ózderiniń ınvestısııalyq daý­laryn AHQO soty men HTO-da sheshý úshin 10 000-nan asa iskerlik kelisimshartqa AHQO soty men HTO-nyń úlgilik eskertpelerin qosqan. Bul sharttardyń edáýir bóligi Qytaıdan Qazaqstanǵa ınvestısııalar tartýǵa baǵyttalǵan.

AHQO soty – táýelsiz zańdy tulǵa. Eki deńgeıden – ınstansııa soty jáne apellıasııalyq sottan turady. О́z qyzmeti men opera­sııalaryna baılanysty týyn­daıtyn daýlarǵa qatysty aı­ryq­sha ıýrısdıksııaǵa ıe. Munda is júrgizýdiń eń zamanaýı jáne tıimdi ádisteri qoldanylady. HTO quramynda munaı-gaz, saýda, qurylys, energetıka, qarjylyq qyzmet kórsetý, bank isi, ıslam qarjysy, saqtandyrý jáne zııatkerlik menshik salalaryn qosa, kommersııalyq quqyqta tórelik etý men medıasııa bo­ıynsha jetekshi halyqaralyq tóreshiler bar.

Beıjińdegi bedeldi China World Tower ǵımaratynda or­nalasqan AHQO soty men HTO-nyń jańa keńsesiniń otyrys zal­­dary zamanaýı sıfrlyq tehnolo­gııalarmen jabdyqtalǵan. Mun­da­ǵy maqsat – Qazaqstandaǵy Qytaı ınvestorlary úshin olar­dyń AHQO soty men HTO-ǵa beril­gen daýlardy óz elinde jaıly jaǵ­daıda sheshý múmkindigin berý.

AHQO soty men HTO tir­keýshisi jáne apparat basshysy Krıstofer Kempbell-Holt myrza Beıjiń qalasyna ótken, 110-nan asa elden 20 000-nan astam bıznes ókili jınalǵan Sheteldegi bıznesti damytý jónindegi Qytaı qaýymdastyǵynyń (China Overseas Development Asso­ciation, SODA) halyqaralyq kon­fe­rensııasyna qatysty. Atalǵan is-shara aıasynda Kempbell-Holt myrza daýlardy sheshý jónin­degi seriktester, aǵa zańger­lermen jáne Qazaqstanda bıznes júrgizetin nemese júrgizýdi jos­parlaǵan kásipkerlermen kezdesýler ótkizdi. Qazaqstan­daǵy Qytaı ınvestorlary úshin kommersııalyq daýlardy sheshý­degi Eýrazııadaǵy ozyq ınstıtýttary retinde AHQO soty men HTO-nyń ustanymyn odan ári nyǵaıtý maqsatynda CODA-men yntymaqtastyq týraly kelisimge qol jetkizildi.

«Biz qytaılyq kompanııa­lar­dyń Qazaqstanǵa ınvestı­sııa­lary kóleminiń ósýin qol­daý úshin júrgizilip jatqan mańyzdy jumystarǵa qosymsha, Qytaı astanasynyń tórinde halyqaralyq standarttarǵa saı AHQO soty jáne HTO keńsesiniń ashylǵany týraly habarlaýǵa qýanyshtymyz. Qytaı ınvestorlary birqatar iste ózderiniń zańdy quqyqtaryn qorǵaý úshin AHQO soty men HTO qyzmetterine júgingen de bolatyn. Beıjińdegi bizdiń sońǵy bastamamyz bul ınvestorlar men Qytaıdan keletin bolashaq ınvestorlarǵa olardyń AHQO soty men HTO arqyly daýlardy óz elinde de táýelsiz, ýaq­tyly jáne ekonomıkalyq tıim­di she­shý múmkindigine qol jet­kizýine múmk­indik beredi», deıdi Krıstofer Kempbell-Holt.

AHQO soty men HTO-nyń Qazaq­­standa Astana jáne Almaty qalalarynda, son­daı-aq Qazaq­standa bıznes júrgi­zetin ın­ves­torlardyń qajet­tilik­­terin qanaǵattandyrý úshin Eýrazııa­nyń segiz eli – Ázer­baıjan, Armenııa, Grýzııa, Qyrǵyzs­tan, Tájikstan, Túrkııa, Túrik­menstan jáne О́zbekstanda sıfrlyq tehnologııalarmen jab­dyqtalǵan halyqaralyq standartty keńseleri bar. Jahan­dyq ınvestorlar Eýrazııadaǵy kommersııalyq daýlardy sheshýde AHQO soty men HTO-ǵa artyqshylyq beredi. Sondaı-aq atalǵan ınstıtýttar – olardyń Qazaqstanǵa ınvestısııalaý týraly sheshim qabyldaýynda sheshýshi faktor.