Foto:aikyn.kz
Sý tasqynynan zardap shekken aımaq turǵyndarynyń dúnıe-múlkine keltirilgen zalaldy óteý prosesi áli de jalǵasyp jatyr. Búginge deıin 30 538 otbasy 100 AEK mólsherinde birjolǵy tólem aldy.
Sý tasqyny saldarynan respýblıka boıynsha shamamen 12 155 turǵyn úıge, sondaı-aq 18 321 saıajaı qurylysyna zaqym keldi, onyń 5 353-i azamattardyń jalǵyz baspanasy.
Jaýapty komıssııa 15 093 turǵyn úı men saıajaı qurylystaryna saraptama jasady. Bul kórsetkish jalpy sannyń – 84%. Qorytyndyǵa sáıkes, 9 myńnan astam úı qalpyna keltiriledi, al 4 315 úı apatty dep tanyldy.
О́ńirlerde 1 847 úı men páterdiń qurylysy bastaldy, taǵy 3 417-sin qaıtalama naryqtan satyp alý josparlanyp otyr.
Úkimet basshysy Oljas Bektenov ákimdikter men О́nerkásip mınıstrligine tasqyn keltirgen materıaldyq shyǵyn esebin aıaqtaýǵa 1 apta ýaqyt berdi.
«Azamattarymyzdyń qıyn jaǵdaıyna túsinistikpen jáne jan-jaqty muqııat qarańyzdar. Jumystardy keshiktirmeı, barynsha tezdetý kerek», dedi Oljas Bektenov.
