Foto: Vıdeo kadry/instagram.com/my.zhez
Adamdardy qaqqan mezet túsip qalǵan vıdeo áleýmettik jelide tarady. Oqıǵa qalanyń oıyn-saýyq oryndarynyń biriniń mańynda bolǵan. Kólik meıramhana alańqaıynda sál kólbeý tusta turǵan. Kadrlarda onyń artqa qaraı júrip bara jatqany jáne meıramhanadan shyqqan adamdardy soqqany kórinedi, birneshe sekýndtan soń kólikten bala júgirip shyǵady.
Vıdeoǵa qaraǵanda, kólikti bala basqarǵan. Taǵy birneshe sekýndtan keıin kólikten áıel túsedi.
Ulytaý oblysy polısııa departamentiniń baspasóz qyzmeti beınejazbaǵa qatysty túsinikteme berdi. Vedomstvo Jezqazǵanda jol-kólik oqıǵasy bolǵanyn rastap, onyń egjeı-tegjeıin túsindirdi.
«Polısııa jol-kólik oqıǵasyn tirkedi, zardap shekkender joq. Kólikte otyrǵan 5 jasar balanyń tejegish tutqasyn alyp tastaǵany anyqtaldy. Saldarynan avtomobıl ózdiginen júrip, jaıaý júrginshilerge baryp soǵysty. Túrli dene jaraqattaryn alǵan 4 jaıaý júrginshi aýrýhanaǵa jatqyzyldy. Tıisti saraptamalar taǵaıyndaldy», dep málim qyldy baspasóz qyzmeti.
Ulytaý oblystyq densaýlyq saqtaý basqarmasynyń baspasóz qyzmetiniń málimetinshe, medısınalyq mekemege jatqyzylǵan 4 adamnyń ishindegi er adamnyń qabyrǵalary synǵan jáne ishki músheleri kógergen jáne úsh áıeldiń ishki aǵzalary kógergen.
