foto: pavlodarnews.kz
Oblystyq polısııa qyzmetkerleri Stela – Ekibastuz avtojolynda VAZ-21214 markaly avtokólikti toqtatyp, júk salǵyshyndaǵy jalpy salmaǵy 120 keli bolatyn balyqty tárkilegen. Sondaı-aq taǵy bir júrgizýshi ÝAZ-3163 markaly avtokóliginiń júk salý bóliginde tıisti qujattarsyz bir qap balyq pen bes balyq aýlaý toryn tasymaldaǵan.
«Balyq aýlaý erejelerin, sondaı-aq balyq resýrstaryn jáne basqa da sý janýarlaryn paıdalaný erejelerin buzǵany úshin eki adam da ákimshilik jaýapkershilikke tartyldy. Árqaısysyna 10 AEK mólsherinde aıyppul salyndy. Zańsyz balyq aýlaý nátıjesinde keltirilgen zalal eseptelip jatyr», dedi Ekibastuz qalasy Polısııa basqarmasy bastyǵynyń birinshi orynbasary Tólegen Qudaıbergenov.
Esterińizge sala keteıik, 15 sáýir-30 mamyr aralyǵynda «Ýyldyryq shashý - 2024» is-sharasy ótkiziledi. Atalǵan kezeńde Ekibastuz polıseıleri balyq aýlaý erejelerin buzýǵa qatysty 13 faktiniń jolyn kesti, barlyq quqyq buzýshylar jazalandy.
