Ornyqty damýdaǵy ortaq joba

Ceriktestik 2004 jyly 28 maý­symda О́zara túsinistik týraly memorandým arqyly rásim­delgenimen, áldeqaıda erterek, 1996 jyly Bosnııa men Gersegovınada bastaldy. Sodan beri BUU DB men EO arasyndaǵy seriktestik adamdardyń ómirin jaqsartýǵa, olardyń únin kú­sheı­tý­ge jáne Ornyqty damý maqsattaryna (ODM) qol jet­kizý úshin jergilikti sheshimderdi ilgeriletýge baǵyttalyp keledi.

20 jyl ishinde seriktestik aı­tar­lyqtaı damydy: BUU DB EO-nyń damý salasyndaǵy yntymaq­tastyq boıynsha negizgi seriktesi, al EO BUU DB-nyń tórtinshi iri donory boldy. EO men BUU DB birlese otyryp daǵdarysqa, turaq­syzdyqqa, basqarý salasyna jáne qorshaǵan ortany qorǵaýǵa baǵyttalǵan, 70-ten astam elde júzege asyrylatyn 170-ten astam bastamany jáne 1 mıllıard eýrodan astam qarajatty qamtıtyn portfeldi basqarady.

Sonymen qatar bul seriktes­tiktiń 2030 jylǵa deıingi Kún tár­tibine degen adaldyǵy elder­diń kedeılikti joıý, qorshaǵan ortany qorǵaý, sondaı-aq jal­py­ǵa ortaq órkendeýdi qam­ta­masyz etý jolyndaǵy ilgeri­l­eýin qoldaýynan aıqyn kórinedi. Mysaly, EO men BUU DB arasyndaǵy seriktestik 80-nen astam elge ODM-na jetýge yqpal etetin ornyqty damý basymdyqtaryn qarjylan­dyrý úshin Qarjylandyrýdyń keshendi ulttyq mehanızmin (INFF) ázirleýge járdemdesti.

EO men BUU DB Ortalyq Azııa­da aımaqtyq ODM  Plat­for­masyn qurýǵa kómektesti. Bul plat­forma bilim almasýǵa jár­dem­desý, ınstıtýttardy nyǵaıt­ý jáne ornyqty damýdy qar­jylandyrýǵa qatysty keder­gilerdi joıý arqyly aımaqtyq ıntegrasııaǵa yqpal etedi. Negizgi nátıje – aımaqtyq ODM baqylaý taqtasy – aımaqta ODM-na jetý progresin jedeldetýge arnalǵan sıfrlyq qural. Platforma nazar aýdarýdy kóbirek qajet etetin salalardy bólip kórsetýmen qatar, jalpyǵa ortaq ornyqty damýǵa qol jetkizýge baǵyttalǵan.

Sondaı-aq EO men BUU DB arasyndaǵy seriktestik Ornyq­ty damý salasyndaǵy ulttyq maqsattar men mindetterdiń iske asyrylýyn monıtorıngileý jónindegi Parlamenttik komıssııa qurý arqyly Qazaqstandaǵy ODM arhıtektýrasyn nyǵaıtýǵa kómektesti. ODM-nyń jańa birtutas ınstıtýsıonaldyq arhıtektýrasynyń arqasynda Úkimettiń ODM-ny júzege asyrý jónindegi fýnksııalary qazirgi ýaqytta Parlamenttiń júıeli qadaǵalaý sharalarymen qam­tamasyz etilgen. Bıýdjetteý, nor­malardy belgileý jáne óńir­lik damý salalaryna ornyq­ty damý qaǵıdattaryn ıntegrasııalaý jáne engizý elge sapaly túrde ilgerileýge múmkindik beredi.

BUU DB álem boıynsha EO-dan alatyn qarjylandyrýdyń jartysynan kóbin tózimdilik, daǵdarys jáne turaqsyzdyq máselelerin sheshýge baǵyttaıdy. Daǵdarys jáne turaqsyzdyq jaǵdaıynda ómir súretin adamdarmen jumys isteı otyryp, seriktestik negizgi qyzmetter men ınfraqurylymdy qalpyna keltirýge, jumys oryndaryn qurýǵa jáne jergilikti damýdy qoldaýǵa kómektesedi.

EO men BUU DB Ortalyq Azııa­da aýǵan áıelderiniń eko­no­­­mı­­kalyq múmkindikterin Qazaq­­stan, О́zbekstan jáne Qyrǵyz­ Res­pýblıkasynda bilim berý jáne da­ıyn­daý arqyly keńeıtýge baǵyt­talǵan, ortaq transshekaralyq bastamany júzege asyrady. Bul flagmandyq genderlik bastama 2019 jyldan bastap 155 aýǵan áıeline bilim alýǵa múmkindik berdi. Bastapqyda 50 aýǵan áıeline Qazaqstan men О́zbekstanda bilim alý múmkindikterin usyný maqsatynda iske qosylǵan joba 2021 jyly EO-nyń qosymsha qarjylandyrýynyń arqasynda Qyrǵyzstandy qamtyp, taǵy 105 aýǵan áıeline stıpendııa taǵa­ıyn­dady. 2027 jylǵa qaraı 155 aýǵan áıeli Ortalyq Azııa ýnı­versıtetterinen akademııalyq jáne kásiptik bilim alyp shyqpaq.

2023 jyldyń sońyna deıin EO BUU-nyń birneshe agenttigi, sonyń ishinde BUU DB júzege asyrǵan, Ortalyq Azııa men Aýǵan­stan­ǵa arnalǵan Spotlight bas­ta­masynyń negizgi donory bol­d­y. Bul baǵdarlama áıelder men jas qyzdarǵa qatysty zor­lyq-zom­by­lyqtyń aldyn alýǵa, oǵan den qoıýǵa jáne joıýǵa baǵyttaldy.

EO men BUU DB Qazaqstannyń «jasyl ekonomıkaǵa» kóshýin qoldaý úshin birlese otyryp ju­mys istep jatyr. Osyǵan de­ıingi or­taq jobalarymyz qorsha­ǵan or­tany basqarý júıe­sin qoldaý, sý re­sýrstaryn bas­qarý saıasaty men tájirı­besi, qorshaǵan or­taǵa degen áser­di baǵalaýdyń jetil­diril­gen prose­dýralary, son­daı-aq qaýymdas­tyqtardy seıs­mı­­ka­lyq qaýipterden qorǵaý jáne Ortalyq Azııadaǵy tabıǵı apat­t­ar qaýpin azaıtý sharalaryn kú­­sheı­tý sııaqty salalardy qamtydy.

Ortaq kúsh-jiger Qazaqstan Úki­­metiniń, azamattyq qoǵam uıym­­darynyń, bıznestiń, ǵyly­mı ortanyń jáne basqa da serik­testerdiń qoldaýy men yntymaq­tasty­ǵynyń arqasynda nyǵaıa tústi. Olardyń adaldyǵy men umtylysy ortaq tabystyń ajyramas bóligi boldy.

EO men BUU DB arasyndaǵy seriktestik kedergilerdi joıýǵa, ádil múmkindikterdiń bolýyn qamtamasyz etýge jáne qaýipsiz orta qurýǵa oń áserin tıgizip keledi. Ortalyq Azııada ODM-na qol jetkizýdi jedeldetý baǵy­tyndaǵy jumys aımaqty 2030 jylǵa deıingi Kún tártibine ja­qyndatqany sózsiz.