Foto: olympic.kz
Bul týraly Halyqaralyq olımpıadalyq komıtettiń prezıdenti Tomas Bah Qazaqstan UOK-ne jazǵan resmı hatta málimdedi.
«Sizdi Komıssııa múshesi etip taǵaıyndaý men úshin úlken mártebe. Komıssııa jumysyna qosatyn úlken úlesińiz úshin Sizge aldyn ala alǵys bildiremin», delingen hatta.
HOK komıssııalaryn onyń prezıdenti Tomas Bah qurady jáne HOK-tyń qyzmetin úılestirip, strategııalaryn jasaqtap, sondaı-aq sheshim qabyldaý úshin uıymnyń Atqarý komıteti men jumys sessııalaryna usynystar engizetin HOK-tyń jumys organdary bolyp sanalady.
Olympism 365 komıssııasy BUU Turaqty damý maqsattaryna qol jetkizýdegi mańyzdy faktor retinde sporttyń rólin kúsheıtý úshin jumys isteıdi.
Olympism 365-tiń basym baǵyttary: halyqtyń densaýlyǵy men dene shynyqtyrý belsendiligin jaqsartý, ádilettilik, qaýipsizdik jáne ınklıýzıvtilik qaǵıdattaryn nyǵaıtý, beıbitshilikti saqtaý jáne bilim berý, sporttyń áleýmettik máni men olımpıada prınsıpterin saqtaý.
Komıssııa quramyna HOK músheleri, Olımpıadalyq qozǵalystaǵy tanymal fýnksıonerler, sondaı-aq Iordanııanyń taq murageri, hanzada Feızal Ál Hýsseın, Halyqaralyq jeńil atletıka federasııasynyń prezıdenti Sebastıan Koe, Katar UOK prezıdenti, sheıh Djoan bın Hamad bın Halıfa Ál Tanı jáne belsendi sport qaıratkerleri men tanymal olımpıadashylar kiredi.
