Foto: Vıdeoskrın. Oblystyń TJ jónindegi shtaby
Oblystyń TJD basshysynyń orynbasary Rýslan Sharıevtiń aıtýynsha, oblys sý tasqynynyń sharyqtaý sheginen ótti.
«Jaıyq ózenindegi sý deńgeıi tómendep jatyr. Sý deńgeıin qazirgi ýaqytta Inder, Mahambet aýdandarynda jáne Atyraý qalasynda kúndelikti baqylap otyrmyz. Sonymen qatar Jaıyqtan tasyǵan sý jyralarǵa jaıylyp, kóp aýmaqty sý basýyna baılanysty, sharýa qojalyqtaryna qaýip tóndi. Sharýa qojalyqtarynyń ıelerinen avarııalyq-qutqarý jumystaryn júrgizý máseleleri boıynsha «jedel jelige» kelip túsken barlyq qońyraýlar jedel óńdelip otyr», dedi Rýslan Sharıev.
Qazirgi ýaqytta sý basqan aýmaqta qalǵan úı janýarlaryn evakýasııalaý jumystary júrgizilip jatyr.
«Búginde oblystyq jáne respýblıkalyq mańyzy bar tasjoldardy sý basyp jatqan jaǵdaılar tirkelip jatyr. Sý deńgeıi tómendegennen keıin, joldardy qalpyna keltirý jumystary júrgiziledi. Ázirge sýdyń qaýipsizdigi týraly aıtýǵa áli erte. Infraqurylym nysandary tolyqtaı qalpyna keltirilip, barlyq jumystar aıaqtalǵannan keıin ǵana sýdyń qaýipsizdigi týraly aıtýǵa bolady», dedi spıker.
Aıta ketsek, Inder aýdanynda sý deńgeıi shektik deńgeıden 50 sm, Mahambet aýdanynda 1 metr, Atyraý qalasynda 27 sm asty.
