WTA tiziminde 19-satyǵa jaıǵasqan Svıtolınaǵa san soqtyrý Rybakınaǵa esh qıyndyq týǵyzǵan joq. Osydan birer jyl buryn ǵana US open (2019 jyly) men Ýımbldonnyń (2019, 2023) jartylaı fınalynda oınap, WTA týrnırlerinde 18 márte top jarǵan áıgili ýkraınalyq oıynshy jerlesimizge jarytyp qarsylyq ta kórsete almady. Nebári 1 saǵat 10 mınýtke sozylǵan saıys 6:4, 6:3 esebimen aıaqtaldy.
Shırek fınalda Elena Rybakına Jasmın Paolınımen kezdesedi.
28 jastaǵy Italııa tennısshisi bul kúnderi úzdikter reıtınginde 15-oryndy ıelengen. Byltyrǵy «Rolan Garrosta» ol dál osy mejede súringen edi. Bıyl Paolını aýstralııalyq Darıa Savıll, amerıkalyq Heılı Baptıst, kanadalyq Bıanka Andreský jáne reseılik Elına Avanısıannan aılasyn asyrdy. Buǵan deıin ekeýi úsh márte kúsh synasty. Eki retinde Elena basym tússe, bir ret Jasmın jeńiske jetti. Sondaı-aq bıylǵy jyldyń aqpan aıynda olar Dýbaıdaǵy dodanyń shırek fınalynda kezdesýge tıis edi. Alaıda densaýlyǵy syr berýine baılanysty otandasymyz kortqa shyqpady.
