Foto: iz.ru
Saılaý 2 maýsym kúni ótti. Elde tek jańa prezıdent qana emes, sonymen qatar 128 senator, federaldy kongresstiń tómengi palatasyna 500 depýtat, toǵyz shtat gýbernatory, 1 myńnan astam mýnısıpaldy depýtat saılandy.
Meksıkanyń Ulttyq saılaý ınstıtýty habarlaǵandaı, Klaýdııa Sheınbaým 58,3-ten 60%-ǵa deıin daýys jınady, bul kórsetkish prezıdent qyzmetin atqarýǵa jetkilikti boldy. Onyń basty básekelesi, «Meksıka úshin kúsh pen júrek» oppozısııalyq partııasynan úmitker senator Hochıtl Galves 26,6-dan 28,6%-ǵa deıin daýys jınady. «Azamattyq qozǵalys» partııasynyń kandıdaty Horhe Alvares Meınsti saılaýshylardyń 9,9-10,8%-y qoldaǵan.
Meksıkalyqtar ony Klaýdııa dep ataıdy. Ol 61 jasta, eki balanyń anasy, bıoınjenerııa professory jáne toǵyz mıllıonnan astam halqy bar Mehıko qalasynyń burynǵy meri.
Jańa basshy eldi halyqtyń 36%-y kedeı, áıelderdi óltirýdiń deńgeıi joǵary, uıymdasqan qylmystyq toptardyń zorlyq-zombylyǵy kúsheıgen jáne AQSh-pen shekaradaǵy shıelenisti kezeńde 130 mıllıon halqy bar Meksıkany basqarmaq.
Aıta keteıik, Klaýdııa Sheınbaým osy jyldyń 1 qazanynda el prezıdenti qyzmetine resmı túrde kirisedi.
Erlan KIIKBAI,
L.N.Gýmılev atyndaǵy EUÝ stýdenti
