Qostanaıǵa jaqyn, bir jaǵy ózenge, ekinshi jaǵy ormanǵa tıip turǵan bul demalys kesheniniń mańy jazdyń ystyq kúnderi adamǵa tolyp ketedi. О́kinishke qaraı, tumsa tabıǵat aıasynda demalǵan jurttyń birazy artyna ishken-jegen qaldyǵyn qaldyryp, bosaǵan qutysyn beıbereket laqtyryp tastap ketip jatady.
Is-sharaǵa muryndyq bolǵan «Neco» ekologııalyq klýby» qoǵamdyq qorynyń basshysy Naýryzbek Birmaǵanbetovtiń aıtýynsha, senbiliktiń maqsaty – Prezıdent bastamasymen búkil respýblıka kóleminde júrip jatqan ekologııalyq aksııaǵa úles qosý, kópshilikti tabıǵat aıasynda durys demala bilýge, ekologııalyq mádenıetke úndeý.
«Memleket basshysy Qasym-Jomart Toqaevtyń «shyn máninde elimizdi kógaldandyrý, abattandyrý, úlken memlekettik mańyzy bar is. Bul búgin shyǵyp, erteń umytyp ketetin bir kúndik naýqan emes. Atalǵan jumys turaqty túrde júrgiziledi. Týǵan jerimizdi taza ustaýymyz kerek. Bul – jalpyulttyq másele» degen sózi bar. Biz Prezıdenttiń osy sózin tolyq qoldaımyz jáne ony árbir turǵynnyń qulaǵyna jetkizip, kókeıine uıalatý baǵytynda eńbektene beremiz. Ol úshin búgingideı qyzyqty senbilikterdi jıi uıymdastyryp, halyqtyń tazalyqqa degen yntasyn oıatyp otyrý kerek. Máselen, osy senbilikke qatysyp jatqan turǵyndar birinshiden, orman alqabyn qoqystan tazartyp, tabıǵatqa paıda ákeledi, ekinshiden osy jerde birer saǵat jumys istep, jarysyp, kóńil kóterip, ádemi syılyq utyp alady. Bul orman alqabynda turǵyndar tastaǵan qaldyqtardan basqa, kóktemde tasqyn sý ákep tastaǵan qoqys kóp. Sondyqtan is-sharany osy jerde uıymdastyryp otyrmyz», deıdi Naýryzbek Birmaǵanbetov.
Jarystyń sharty óte qarapaıym: senbilikke qatysýshylarǵa bir jarym saǵattyń ishinde neǵurlym kóp qoqys jınap, ony suryptap úlgerýleri kerek degen talap qoıyldy. Jeńimpazdar upaı sany arqyly anyqtaldy. Máselen, 1 kg plastık qutynyń quny – 15 upaı. 1 kılo shyny jınaǵan komandaǵa 5 upaı, 1 kg qańyltyrǵa 10 upaı, óńdelmegen qaldyqqa 3 upaı berildi.
Jarys nátıjesinde eń kóp upaı jınaǵan «Jas ekologter» toby birinshi oryn aldy. Ekologııalyq klýb ókilderiniń aıtýyna qaraǵanda, «Taza oıyndar» jarysy jaz boıy ótip turatyn bolady.
Qostanaı oblysy
