Foto: cycling.kz
Búgingi jarys baǵdarlamasyndaǵy ekinshi sport túri ýaqyt boıynsha velojarys boldy. Osy synda júldege 17 elden kelgen 19 úmitker qatysty. Olarlyń arasynda eki otandasymyz Mıhaıl Podlýjnyı men Batyrhan Alık máre syzyǵyn 27 mınýt 45 sekýndta kesip ótip, qola medalǵa qol jetkizdi.
Al Taıpeıden kelgen Ien Ten Chjan 26:55 ýaqyt kórsetkishimen altyn ıelense, ındonezııalyq Adıtam Dendra Pýrnıavan 20 shaqyrymdy 27 mınýt 19 sekýndta eńserdi.
«Keshe Qazaqstan quramasyndaǵy áriptesterimmen birge Azııa chempıony atanǵan aralas estafeta búgingi jarysqa qaraǵanda ońaıyraq boldy. Nege deseńiz, biz ol synda bir-birimizge kómektestik. Bul meniń sporttyq mansabymdaǵy ekinshi chempıonatym, sondyqtan qazirgi nátıjelerime rızamyn. Alda toptyq jarys bar, ol saıysta da jarys jolyna shyǵamyn», dedi Mıhaıl Podlýjnyı.
Azııa chempıonaty Almaty qalasy ákimdigi, Qazaqstan Respýblıkasy Týrızm jáne sport mınıstrliginiń Sportty damytý basqarmasy jáne Samuryq-Qazyna» Ulttyq ál-aýqat qory» AQ, «Sport Qory» sportty qoldaý qory, «Allur» kompanııalar toby» AQ-nyń qoldaýymen ótip jatyr.
