Bas prokýror Qaırat Jamalıevtiń isin óz baqylaýyna aldy

ASTANA. 25 sáýir. Astana qalasynyń turǵyny Álibı Jumaǵulovtyń soqqyǵa jyǵylý faktisi keń qoǵamdyq silkinis týdyrýyna baılanysty Bas prokýror atalǵan isti baqylaýdy óz qolyna aldy. Bul týraly Astana qalasy prokýratýrasynyń baspasóz qyzmeti habarlady. «Tergeýdiń alǵashqy kúninen bastap-aq jábirlenýshi málimdegen faktilerdiń anyq-qanyǵyn jan-jaqty anyqtaý jóninde qajetti tergeý amaldary júrgizilýde», - delingen habarlamada. 2015 jylǵy 23 sáýirde atalmysh qylmysty jasaýǵa kúdikti retinde Qaırat Jamalıev ustalyp, 24 sáýir kúni oǵan qatysty is materıaldary qamaýǵa alý sharalaryn qabyldaý úshin sotqa jóneltildi. Esil aýdany prokýrorynyń sanksııasymen kúdikti Q.Jamalıevtiń turǵylyqty jerine, sondaı-aq onyń qyzmettik keńsesine úsh ret tintý sharalary júrgizildi. 25 sáýir kúni polısııa qyzmetkerleri qylmysqa qatysty ekinshi adamdy – A. Prıbytkovty (Jamalıevtiń júrgizýshisi) ustady. Dál osy kúni qylmysqa qatysty úshinshi kúdikti – A. Ábiltaevqa izdeý jarııalaı otyryp, ony syrttaı qamaýǵa alý sharasyn sanksııalaý týraly usynys kelisildi. Tergeý barysy Bas prokýror men Ishki ister mınıstriniń jeke baqylaýyna alyndy. Qurysh Nurymbet. Derek, sýret: Astana qalalyq prokýratýrasynyń baspasóz qyzmeti.