Ýnıversıada baǵdarlamasyn Sátbaev Ýnıversıtetiniń qyzmetkerleri jeke ádisterin qoldana otyryp ázirledi. Bolashaq mamandar bes kún ishinde geolog retindegi bilimi men tájirıbelik daǵdylaryn kórsetýleri kerek. Sonymen qatar uıymdastyrýshylar ýnıversıada barysynda ótetin qyzyqty mádenı jáne oıyn-saýyq baǵdarlamasyn daıyndap qoıdy.
Ýnıversıada Jambyl oblysynyń eń kórikti jerleriniń biri – Sátbaev Ýnıversıtetiniń Kishi Qarataý jotasynyń eteginde ornalasqan oqý polıgonynda ótedi. Bul jerde Jerdiń paıda bolýynan bergi ártúrli dáýirlerdiń kóptegen geologııalyq qaldyqtary paıda bolyp, jer ústine shyǵyp jatyr, bul ony biregeı tabıǵı oqytý quraly men geologııalyq zertteýler úshin tamasha orynǵa aınaldyryp otyr. Sátbaev Ýnıversıtetiniń stýdentteri bul polıgonda dástúrli túrde geologııalyq tájirıbeden tereńdete ótedi. Olar naǵyz geologtar sııaqty zertteý jumystaryn júrgizedi, dalalyq shatyrlarda turady jáne jaıaý serýendeıdi.
«Ýnıversıadanyń maqsaty – geolog mamandardyń jańa býynyn daıarlaý. Bul Qazaqstan úshin munaıdyń aqshyl jeńil túri dáýiriniń aıaqtalýy jaǵdaıynda óte mańyzdy. Jeke óndirisimizdi damytý úshin, aldymen sırek kezdesetin metaldardyń ken oryndaryn barlaý kerek», dedi Sátbaev Ýnıversıteti Qarataı Turysov atyndaǵy Geologııa jáne munaı-gaz isi ınstıtýtynyń dırektory Asqar Syzdyqov.
Qazaqstannyń mektep oqýshylary arasynda «Jas geolog» respýblıkalyq olımpıadasy turaqty túrde ótkizilip keledi. Al stýdentter arasynda geologııa salasy boıynsha jarys alǵash ret ótkizilýde, buǵan tarıhy 90 jyl buryn Taý-ken metallýrgııa ınstıtýtynyń ashylýymen bastalǵan Sátbaev Ýnıversıteti bastamashy boldy. Ýnıversıadaǵa Geologııa komıteti, «Qazaqmys-Barlaý» kompanııasy, sondaı-aq Qazaqstannyń geologııalyq barlaý salasynda jumys isteıtin basqa da kásiporyndar qoldaý kórsetip jatyr.
