«Jarqyn aýyl» jobasy iske qosyldy

Búginde Qostanaı oblysy tur­ǵyn­da­rynyń 38 paıy­zy aýylda turyp jatyr. О́kinishke qaraı biraz aýyldyń ınfraqurylym­dyq jaǵdaıy áli de máz emes. Bul baǵytta sheshimin kútip turǵan másele kóp. Máselen, óńirde 140-tan astam aýylǵa sapaly aýyzsý júrgizilmegen. Sondaı-aq 150-ge jýyq aýyl jyldamdyǵy joǵary ınternetke qol jetkize almaı otyr. Jol sapasy, kósheler­di jaryqtandyrý jumysy, mektepter men medısına­lyq nysandardyń jaǵ­daıy da kóńil kónshitpeı­di. Ama­nattyqtardyń aıtýynsha, «Jarqyn aýyl» osy atal­ǵan máselelerdiń kúrmeýin tar­qatýǵa tıis.

«Joba aýyldyq eldi me­ken­derdiń ál-aýqatyn arttyrýdy kózdeıdi. Demeý­shilerdiń qarajaty esebinen turǵyn úıler salynady, balalarǵa jáne sportpen shuǵyldana­tyn adamdarǵa arnalǵan alań­dar ashylady, skverler men saıabaqtar jabdyqtalady, demalys úıleri salynady jáne aýyl ınfraqurylymyn jańǵyrtý baǵytynda ózge de aýqym­dy jumystar júrgiziledi. Joba aıasynda 400-den astam aýyl qamtylyp otyr. О́ńir kásipkerleri buǵan 10 mlrd teńge kóleminde qarjy bólip, qoldaý kórsetýge daıyn eken­derin aıtty. Ásirese oblys ákimi bizge úlken qoldaý kórsetip jatyr. Bul – partııa men jergilikti atqarýshy organdar arasyndaǵy ózara tıimdi árekettiń jarqyn úlgisi. «Jarqyn aýyl» jobasy el damýyna erekshe serpin beredi degen senimde­miz», deıdi «Amanat» partııasy Qostanaı oblystyq fılıalynyń tóraǵasy Almat Dosmuhamedov.

Aısaryda iske qosylǵan «Jarqyn aýyl» jobasynyń alǵashqy kezeńinde aýyldyq okrýgtiń 3 kóshesi jóndeledi. Jergilikti stadıon qaıta jańartylady. Aısary men Polovnıkovka eldi meken­de­rine sý qubyry tartylady jáne feldsherlik-akýsher­lik pýnkt salynady. Atalǵan sharýa­nyń bárin bıyl 1 qazan­ǵa de­ıin aıaqtaý josparlanyp otyr. Partııa ókilderi men kásipkerler osy jóninde eki­jaqty memo­­randýmǵa qol qoı­dy. Aısary aýyldyq okrý­gin gúlden­dirý jobasy Bısem­baı Býrashev, Bolat Ańqaýov, Andreı Horoshılov, Oleg Dvoe­glazov, Andreı Em, Svet­lana Bystrıakova, Talǵat Júr­gim­baev, Batyr­jan Muham­bet­janov, Maksım Pono­marev jáne Murat Bási­baev sııaqty kásip­ker­ler­diń kóme­gimen júzege asy­ryl­maq.

«Biz jergilikti tur­ǵyn­dar­­dyń turmysyna qolaıly jaǵdaı jasaı otyryp, aýyl­dyq jerlerdi ómir súrýge barynsha tartymdy ári qolaıly etýge tyrysamyz. Búginde aýyl jastarynyń kóbi mektep bitirisimen iri qalalarǵa ketkisi keledi. О́z bolashaǵyn aýylmen emes, qalamen ólsheıdi. Sondyqtan bizdiń aldymyzda aýyldyń ınfraqurylymyn jaqsartý arqyly jastardy kóbi­rek aýylǵa turaqtandyrý, aýyl­dyq eldi mekenderde ómir súrýge qolaıly jaǵdaı jasaý sııaqty mańyzdy mindetter tur», deıdi «Amanat» partııa­sy Qostanaı aýdandyq fı­lıa­ly­nyń tóraǵasy Marına Rastegaeva.

Aldaǵy ýaqytta partııanyń ózge de aýdandyq fılıaldary jergilikti ákimdiktermen, kásipkerlermen memo­ran­dýmǵa otyrmaq. Bul qujat jobanyń turaqty­­lyǵy men ashyqtyǵyn qamtama­syz etýge múmkindik beredi. Nátıjesinde, aldaǵy úsh jyl ishinde 400-den astam eldi meken sapaly aýyz sýmen qamtamasyz etilip, aýyl ishindegi joldar jónge kel­ti­riledi. Aýyl ınterneti shırap, shalǵaı eldi meken­derdiń syrtqy kelbeti jaqsarady.

Munyń syrtynda, «Amanat» par­tııasynyń saılaýaldy baǵ­d­arlamasy aıasynda bıyl Qos­tanaı oblysynda 5 jańa mektep salý, jumys istep turǵan 51 mektepti jóndeý, 19 dári­ger­lik ambýlatorııa men feld­sher­lik-akýsherlik pýnkt ashý, 19 eldi mekendi sýmen qamta­ma­syz etý josparlanyp otyr.

Qostanaı oblysy