Birinshi joba qalamgerler qatarynan quralǵan ekspedısııa negizinde aımaqtardyń búgingi jaı-kúıin esh búkpesiz zerdelep, zerttep, tolyqqandy aıqyn kartınany sýretteıtin shyǵarmalar jazyp, ony basyp shyǵaryp, oqyrmandarǵa usynatyn «Jańa Qazaqstannyń ádebı-tanymdyq panoramasy» dep atalady. Sondaı-aq atalǵan joba aıasynda 20 jas aqyn-jazýshyǵa memlekettik grant taǵaıyndaý qarastyrylǵan. Jas qalamgerler ár aımaqqa bólinip, óńirlerdiń jańa ádebı beınesin qalyptastyratyn tyń týyndylar jazady. Nátıjesinde, qazaq ádebıetine 20 shyǵarma qosylatyn bolady (bir granttyń somasy 4,2 mln teńge).
Ekinshi joba – Jazýshylar odaǵynyń mádenıet salasyndaǵy 90 jyldyq tájirıbesine súıenip, otandyq jáne sheteldik mádenıettanýshylar, fılosoftar, áleýmettanýshylar, kınogerler, teatrtanýshylarmen birlese otyryp, jas qalamgerler legin qalyptastyrýǵa, ádebıet salasynda kenjelep qalǵan detektıv, fentezı, komıks janrlaryn damytýǵa negizdelgen «Jazýshylardyń sheberlik mektebi».
Joba aıasynda jas qalamgerler Jazýshylar odaǵynda sheteldik jáne otandyq ádebıet maıtalmandary ótkizetin dáristerge, sheberlik synyptaryna qatysatyn bolady. Qatysýshylardyń joly, tamaǵy jáne jatyn orny Qazaqstan Jazýshylar odaǵy tarapynan tólenedi.
Úshinshi joba – TMD elderiniń muraǵattarynda Qazaqstannyń mádenıeti men ádebıeti boıynsha jańa muraǵattyq materıaldardy anyqtaýǵa zertteýler júrgizip, «Qazaqstan jazýshylary zertteý ortalyǵynyń TMD elderi muraǵattarynda jumys isteýi» jobasy negizinde kitaptar men jınaqtar shyǵarý. Joba aıasynda Aqtóbe qalasynda halyqaralyq forým ótedi dep josparlanyp otyr.
Búginde mınıstrlik Jazýshylar odaǵymen kelisimshartqa otyryp, úsh jobaǵa qatysýǵa ótinimder qabyldaý bastaldy.
