Túrkııa Shanaqqala shaıqasynyń 100 jyldyǵyn atap ótti

ASTANA. 25 sáýir. Túrkııada I dúnıejúzilik soǵystaǵy eń qanquıly urys – Shanaqqala shaıqasynyń 100 jyldyǵy atap ótildi. Aýqymdy sharaǵa birqatar memleket pen úkimet, sondaı-aq, sol kezdegi soǵysqa áskerleri qatysqan elderdiń basshylary qatysty. Bul týraly euronews.com habarlady. On aıǵa sozylǵan qandy qyrǵynda 200 myńnan astam adam ajal qushty. Onyń 100 myńǵa jýyǵy Brıtanııa ımperııasynyń quzyrynda edi. Eske alý sharasyna arnaıy kelgen Ulybrıtanııa hanzadasy Charlz Ýelskıı: «Bul jaýyngerler brıtan áleminiń ár jerinen keldi. Afrıka, Avstralııa, Kanada men Úndistan, tipti, Ulybrıtanııa men Jańa Zelandııadan, alys araldardan kelgender de bar. Týǵan jerlerimen qoshtasqan olar bizdiń ortaq isimiz úshin jandaryn qııýǵa daıyn boldy», – dedi. Bir ǵasyr buryn bolǵan joıqyn soǵysta Túrkııa jeńiske jetkeni tarıhtan belgili. Osynyń arqasynda bul el odaqtastardyń Dardannel buǵazyn baqylaýǵa alý, Ystambulǵa basyp kirip, Reseıge teńiz jolyn ashpaq bolǵan josparyn iske asyrmady. Sharada sóz alǵan Túrkııa prezıdenti Redjep Taıyp Erdoǵan: «Men Shanaqqala shaıqasy barlyq ultqa ortaq aýyrtpalyqty dostyqqa, beıbitshilik pen mahabbatqa aınaldyrýdyń úlgisi bolǵanyn qalaımyn. Sebebi, bul sózder soǵystyń generatory emes. Biz bul ǵasyrdyń beıbitshilik ǵasyry bolýy úshin yntymaqtastyqqa daıynbyz», – dedi. Aıta keteıik, osyǵan deıin saıtymyzǵa Shanaqqala shaıqasy týraly kólemdi maqala jarııalandy. Bul týraly myna jerden oqı alasyzdar. Elaman Qońyr. Derek sýret: euronews.com.