Fýtbol. Premer-lıga. Top basyna úsh komanda iriktelip shyqty

ASTANA. 26 sáýir. Keshe fýtboldan Qazaqstan premer-lıgasynyń 9-týry ótti. Barlyq 6 oıynda esep ashylyp, jeńimpazdar anyqtaldy. Bul týraly egemen.kz habarlady. Týr barysynda 20 gol soǵyldy. Tóreshiler 22 sary jáne 1 qyzyl qaǵaz kórsetti. Sondaı-aq, bul týrda stadıondarǵa jınalǵan jankúıerlerdiń de sany burynǵylarmen salystyrǵanda aıtarlyqtaı kóp. Naqty aıtsaq, 6 kezdesýge barlyǵy 20 000 jankúıer jınaldy. Týrdyń ortalyq kezdesýi retinde mamandar men jankúıerler Almatyda ótken «Qaırat» pen «Shahter» arasyndaǵy matchty ataǵan edi. Desek te, bul oıyn kópshilik kútkendeı asa tartysty bolmady. Tek «Qaırattyń» basymdyǵymen ótken matchta alań ıeleri qarsylastarynyń qaqpasyna jaýapsyz 4 gol soqty. Erekshe atap óter jaıt Taldyqorǵannyń «Jetisýy» bıylǵy maýsymdaǵy alǵashqy jeńisine qol jetkizdi. О́z alańynda «Tarazdy» qabyldaǵan olar sońǵy mınýtta ǵana gol soǵyp, mereıi ústem boldy. Osy týr aldynda «Jetisýdyń» bas jattyqtyrýshysy Asqar Qojabergenov qyzmetinen ketip, ornyna Ivan Azovskıı ýaqytsha mindetin atqarýshy bolyp taǵaıyndalǵanyn aıta keteıik. Taǵy bir nazar aýdarar dúnıe, Kókshetaýda ótken «Oqjetpes» pen «Aqtóbe» arasyndaǵy oıyn. Tartysqa toly bolǵan matchta 5 gol soǵyldy. Nátıjesinde qonaqtar 3:2 esebimen jeńiske jetti. Atalǵan kezdesýde «Oqjetpes» sapyna jýyrda ǵana qosylǵan Reseı fýtbolshysy Dmıtrıı Sychev Qazaqstan premer-lıgasyndaǵy alǵashqy golyn soqty. 9 týrdan keıin týrnır kestesinen joǵary básekelestikti anyq baıqaýǵa bolady. Búginde 17 upaıdan jıǵan úsh birdeı komanda kósh bastap tur. Olar: «Qaırat», «Ordabasy» jáne «Aqtóbe». Al 4 jáne 5-oryndarǵa jaıǵasqan «Astana» men «Atyraýdyń» enshisinde 15 upaıdan bar. Premer-lıgadaǵy kelesi qyzyqty derekterge toqtalyp óteıik. 9 týrdan keıin jeńiske jetpegen komanda qalmady. Sondaı-aq, ázirge jeńilmegen eki komanda bar. Olar – «Ordabasy» men «Aqtóbe». Al «Oqjetpes» búginge deıin teń oınap kórmegen jalǵyz komanda.   «Oqjetpes» (Kókshetaý) – «Aqtóbe» (Aqtóbe) 2:3 (0:1) 25 sáýir. Astana. «Astana-Arena» stadıony. 1 500 kórermen. Tóreshi: Qarlybaev (Oral). «Oqjetpes»: Sırın, Sahalbaev (Nurjanov 61), Marochkın, Hohlov, Volkov, Pavlov (Sychev 72), Dıkıara (Rotkovıch 46), Tólıev, Chıjov, Bóleshev, Chertov. «Aqtóbe»: Pokatılov, Adeleıe, Korobkın (Pızzellı 70), Levın, Jýlpa, Haırýllın, Neko, Logvınenko, Santana, Jalmuqan (Aıymbetov 62), Danılo (Hıjnıchenko 57). Goldar: Rotkovıch 46, Sychev 76 – Haırýllın 23, Pızzellı 83, Neko 87. Eskertýler: Bóleshev 84 – Korobkın 59, Jýlpa 66, Santana 89.   «Qaısar» (Qyzylorda) – «Astana» (Astana) 2:1 (1:0) 25 sáýir. Qyzylorda. Ganı Muratbaev atyndaǵy stadıon. 3 000 kórermen. Tóreshi: Vıshnıchenko (Qostanaı). «Qaısar»: Prıadkın, Klıaın, Mıtoshevıch, Vorogovskıı, Rozybaqıev, Moldarov, Baltaev, Mujyqov (Soı 86), Narzıldaev (Moldaqaraev 75), Strýkov, Iýnýzovıch (Nurdáýletov 90+1). «Astana»: Erıch, Ahmetov, Anıchıch (Jańǵylyshbaı 81), Jýkov, Shetkın (Nóserbaev 65), Ketevoama (Maksımovıch 68), Beısebekov, Jolshıev, Postnıkov, Shomko, Kanıas. Goldar: Moldarov 9, Moldaqaraev 78 – Maksımovıch 70. Eskertýler: Vorogovskıı 29, Mıtoshevıch 40, Moldaqaraev 84 – Anıchıch 39, Jolshıev 76. Alańnan qýyldy: Vorogovskıı 86 (ekinshi eskertý).   «Ertis» (Pavlodar) – «Atyraý» (Atyraý) 1:2 (0:0) 25 sáýir. Pavlodar. «Ortalyq» stadıony. 3 000 kórermen. Tóreshi: Kýchın (Qaraǵandy). «Ertis»: Lorııa, Esimov, Graf, Chernyshev, Samsonov, Álıev, Smaqov, Izý, Sýleı (Sartakov 78), Gatagov (Ignatev 60), Arıstaıd. «Atyraý»: Nárzikulov, Chıchýlın, Aıtbaev, Grıgorev, Kýzmın, Dıakate, Essame, Baıjanov (Esatov 87), Qalmuratov, Arjanov (Odıbe 74), Ivanovıch (Tileshev 62). Goldar: Smaqov 67 – Essame 57, Tileshev (penaltı) 69. Eskertýler: Smaqov 15, Samsonov 54 – Kýzmın 31, Chıchýlın 52.   «Tobyl» (Qostanaı) – «Ordabasy» (Shymkent) 1:3 (1:3) 25 sáýir. Zatobolsk. «Zatoboles» stadıony. 3 000 kórermen. Tóreshi: Holmatov (Qyzylorda). «Tobyl»: Petýhov, Klımavıchýs, Sadovnıchıı, Agaısın, Aslan, Bogdanov, Jumasqalıev (Elmurzaev 81), Shımkovıch, Iýrın (Delı 73), Krasıch, Býgaev. «Ordabasy»: Sıdelnıkov, Sımchevıch (Adyrbekov 89), Traıkovıch, Malyı, Súıimbaev, Tuńǵyshbaev (Sarıev 65), Petrov (Áshirbekov 58), Beısenov, Nurǵalıev, Geınrıh, Bojıch. Goldar: Býgaev 31 – Geınrıh 1, Sımchevıch 19, Bojıch 38. Eskertýler: Iýrın 55, Krasıch 68, – Bojıch 38.   «Jetisý» (Taldyqorǵan) – «Taraz» (Taraz) 1:0 (0:0) 25 sáýir. Taldyqorǵan. «Jetisý» stadıony. 1 500 kórermen. Tóreshi: Aleshın (Pavlodar). «Jetisý»: Shabanov, Ádilhanov, Mıhaılov, Kırov, Saǵyndyqov, Svetkovıch, Shahmetov (Turysbek 46), Azovskıı (Mujyqov 55), Savıch, Rodıonov (Haırýlın 87), Despotovıch. «Taraz»: Grıgorenko, Averchenko, Mera, Vasılev, Baıalıev, Sergıenko (Dosmaǵambetov 54), Bashlaı, Mýhýtdınov, Taýbaı, Jumahanov (Iаrovenko 78), Pıshýr (Golıch 82). Gol: Despotovıch 90. Eskertýler: Mujyqov 69, Svetkovıch 74, Despotovıch 90+1 – Bashlaı 46, Mýhýtdınov 74.   «Qaırat» (Almaty) – «Shahter» (Qaraǵandy) 4:0 (1:0) 25 sáýir. Almaty. «Ortalyq» stadıony. 8 000 kórermen. Tóreshi: Dúzmámbetov (О́skemen). «Qaırat»: Plotnıkov, Lýnın, Darabaev (Islamhan 46), Qýat, Plıev, Serjıno (Rıera 80), Lı (Rýdoselskıı 71), Gýrman, Isael, Markovıch, Goý. «Shahter»: Shaskıı, Kostrýb, Azamatov, Dýbkov, Poryvaev, Karpovıch (О́mirtaev 74), Petrassı, Nadjarıan (Vasılev 64), Voshaglık (Vetrov 46), Murtazaev, Topchagıch. Goldar: Markovıch 10 (1:0), Isael 57 (2:0), Islamhan 80 (3:0), Goý 85 (4:0). Eskertý: Rýdoselskıı 87. Úzdik mergender:

1. Jerar Goý («Qaırat») – 10 gol;
2. Maqsat Baıjanov («Atyraý»), Roher Kanıas («Astana»), Oleksandr Pıshýr («Taraz»), Nemanıa Maksımovıch («Astana»)– 4 gol;
3. Nurbol Jumasqalıev («Tobyl»), – 3 gol.

10-týr oıyndary 3 mamyrda ótedi: «Qaısar» – «Qaırat»; «Astana» – «Tobyl»; «Ordabasy» – «Jetisý»; «Taraz» – «Oqjetpes»; «Aqtóbe» – «Ertis»; «Atyraý» – «Shahter». Elaman Qońyr. Derek: egemen.kz. Sýret: kpfl.kz.