Foto: satbayev.university
Árıne, týrızm – ekonomıkadaǵy mańyzdy sala ekendigi, qosatyn úlesi mol sektor ekeni aıtpasa da túsinikti. Ári elimizdiń týrızmdi damytýǵa tolyq múmkindigi bar ekeni de sózsiz. Ekinshiden, biz óz tarapymyzdan salaǵa qatysty kadr daıarlaý jaǵyn sóz etemiz. О́ıtkeni elimizge kelýshilerge qyzmet kórsetý sapasyn eń joǵarǵy deńgeıge jetkizý – óz qolymyzda.
Elimizdegi Halyqaralyq týrızm jáne meımandostyq ýnıversıteti – eldegi jalǵyz ári alǵashqy beıindi oqý orny. Týrızm men qonaqjaılylyq jáne sporttyq týrızm baǵytynda maman daıarlaýda 2020 jyldan beri jumys istep keledi. Mine, bıyl alǵashqy túlekterimiz, ıaǵnı 460 stýdent salaǵa qatysty 11 mamandyq alyp shyqpaqshy.
Ras, qazir eldegi týrızm salasyndaǵy kadr tapshylyǵy anyq baıqalyp otyr. Soǵan oraı, biz oqý úderisine ózgeris engizdik. Birinshiden, stýdentterdi jappaı dýaldy oqytý júıesine kóshirdik. Bul – teorııany óndirispen ushtastyra otyryp, bilim alý degen sóz. Demek ýnıversıtet shákirtteri birinshi kýrstan keıin qosymsha týrıstik kompanııalarda bolyp, oqýmen qatar tájirıbesin shyńdaıdy. Iаǵnı ýnıversıtette júrip-aq keleshek mamandyǵynyń barlyq qyr-syryn úırenetin bolady. Bul ádis mamandyq alyp shyǵyp, jumysqa ornalasqan jaǵdaıda olarǵa kóp qıyndyq týdyrmaıdy.
Qazirgi tańda bizdiń ýnıversıtetpen birlese 73 týrıstik kásiporyn jumys atqarady. Olardyń qatarynda otandyq kompanııalarmen qatar sheteldik týrıstik uıymdar da bar. Mysaly, bizdiń 170 stýdent osy baǵytta tájirıbeden ótip jatyr. Olardyń jatyn ornyn, jolaqysy jáne aı saıynǵy eńbekaqysyn sol týrıstik kompanııalar óteıdi. Sonymen birge bizben jumys isteıtin sheteldik seriktester, mysaly Túrkııadaǵy Kemer qalasyndaǵy qonaqúılerde 22 stýdent tájirıbe almasyp jatyr.
Al bıylǵy 2024-2025 oqý jylynan bastap dástúrli semestrden trımestr júıesine aýysyp jatyrmyz. Iаǵnı osy jyly talapkerler bakalavr deńgeıin 4 jyl emes, 3 jylda oqyp, qolyna dıplom alady. Bul – elimizdegi týrıstik sala boıynsha kadr tapshylyǵyn joıýdy jyldamdatyp, máseleniń oń baǵytqa aýysýyn tezdetedi. Durysyn aıtqanda, biz daıarlaıtyn stýdentterdiń oqý úderisiniń elý paıyzy teorııalyq bilimmen ushtassa, qalǵan elý paıyzy týrıstik kásiporynda ótedi.
Jalpy, týrızmge ınfraqurylymnan bólek, qyzmet kórsetý deńgeıiniń joǵary bolǵany óte mańyzdy. Biz bilim berý orny bolǵandyqtan dál osy turǵydan el bolashaǵyn qyzmet etetin sapaly kadr daıarlaýdy basty maqsat etip kelemiz.
Álibek ShOQPAROV,
Halyqaralyq týrızm jáne meımandostyq ýnıversıtetiniń basqarma tóraǵasy-rektory
