Múdde birligi

Danyshpan Lev Tolstoı ıdeıalary ishinde «bolmys bir­ligi» aldyńǵy sapta tu­rady. Oıshyldyń «Jalpyadam­zattyq ortaq rýh» tujyrymdamasy kemel­denýdiń kilti bolyp sanalady. Ja­qynda jazýshynyń kóp­tom­dyǵynyń birinen qo­ǵamdyq sananyń tutastyǵy haqynda jazylǵan tolǵamyna kózim tústi. Oqyp otyryp ótirikke qurylǵan kez kelgen basqarý júıesiniń «qum ústine salynǵan qubylmaly saraı» ǵana ekenine kózim jete berdi. Ári qaraı arys­tan aq­saqaldyń ózi sóılesin:

«Adamdar aqıqatta ǵana birige alady. Ol úshin bir-bi­rine qarama-qarsy júrýdiń qajeti joq. Kerisinshe, bar­lyǵy aqıqatqa qaraı júrýi kerek. Tek sonda ǵana olar birtutas bolmysqa aınalady. Adam­dar jarasaıyn dep jaras­paıdy, joldary bir bol­ǵannan keıin jarasady.

Úlken hram bar dep eles­teteıik. Onyń jaryǵy jo­ǵarydan bir núktege ǵana túsedi. Qulshylyq qylýshylar bastaryn qosý úshin bir-birine emes, álgi ortadaǵy sáýlege um­tylsa jetkilikti. Sonda ǵana olar ózara jumylady».

Al bizdiń sáýlemiz ne dep atalady?

Ony biz kórip turmyz ba?

Baqytqa qaraı bastaıtyn baǵytymyz bar ma qazir?

Qazirgi qazaq qoǵamynyń ma­ńyzdy máselesiniń biri osy. Múdde birligi qalyptaspaı, mem­le­kettik tutastyq múmkin emes. Al ony rýhanı birlikke umtyl­ǵan jandar ǵana jasaı alady.