AQTAÝ. 26 sáýir. Mańǵystaýda saılaý qalypty ótýde. Bul týraly egemen.kz tilshisi habarlady.
Mańǵystaý oblysynda 177 saılaý ýchaskesi turǵyndardyń daýysyn qabyldaýda. Qajetti materıaldarmen jáne jabdyqpen qamtamasyz etilgen daýys berý pýnkteri jergilikti ýaqytpen tańerteńgi saǵat 7.00-de ashylyp, óz jumystaryn bastady.
Aqtaý qalasyndaǵy 29 shaǵyn aýdandaǵy mektepte ornalasqan №148 saılaý ýchaskesiniń aýlasy ánmen terbelip, merekelik kóńil-kúıge engen. Daýys berýge asyqqan jurt jan-jaqtan aǵylýda – arasynda baldaǵyna súıengen qart ta, balasyn jetektegen jas otbasylyq juptar men jastar da bar.
«Eń birinshi saılaýshy 1949 jyly týylǵan Ataev Qunanbaı degen azamat tańerteńgi saǵat 5.45-te kelip otyrdy. Elimizdiń Ánuranymen saltanatty jaǵdaıda bastalǵan saılaýda alǵashqy kelgen adamǵa jáne eń alǵash daýys berýshi Ámirbaı Zamanbekke, sondaı-aq, uly Saǵynbaev Mahmýt ertip kelgen 1926 jyly týylǵan eń qart saılaýshy atamyzǵa demeýshiler kómegimen syılyqtar tabystaldy», – deıdi saılaý ýchaskesiniń basshysy R.Aıashqyzy.
Eki saǵat ishinde atalǵan ýchaskege tirkelgen 2 751 adamnyń 400-den astamy daýys beripti.
«Saılaý bastalysymen osyndamyn. Eshqandaı zań buzýshylyq, oǵash oqıǵalar oryn alǵan joq», – deıdi saılaý ótýiniń zańdylyqtaryn baıqaýshy «Kaspıı» qoǵamdyq komıssııasynyń ókili Álı Sársenbaev.
Gúlaıym Shyntemirqyzy.
Derek, sýret: egemen.kz.
