Foto: QR Qorǵanys mınıstrliginiń baspasóz qyzmeti
«Kúshimiz birlikte» áskerı-dalalyq taktıkalyq oıyny «Aıbyn» X halyqaralyq áskerı-patrıottyq jastar jıynynyń sheshýshi saıysy boldy.
Gaztumyldyryqpen, sý quıylǵan qutymen, kompaspen, sanıtarlyq sómkemen jáne avtomattyń maketimen jabdyqtalǵan jas jaýyngerler baǵdarlaý, túrli kedergiler men mına-jarylǵysh tosqaýyldardy jáne aımaqtyń lastanǵan ýchaskesin eńserý daǵdylaryn kórsetti. Sońǵy kezeńde komandalar jaýdyń barlaý-dıversııalyq tobynyń tirek pýnktin taýyp, ony beıtaraptandyrý mindetin oryndaýy kerek bolatyn. Nátıjesinde, jeńis Qaraǵandy qalasyndaǵy Talǵat Bıgeldınov atyndaǵy «Jas ulan» respýblıkalyq mektebiniń tárbıelenýshilerine buıyrdy.
О́tken beısenbide júgirý men arqan tartystan jarystar uıymdastyryldy. Sonymen qatar áskerılendirilgen estafeta ótti.
Jasóspirimder arasynda 3 shaqyrymǵa júgirýde óńirler arasyndaǵy komandalyq esepte birinshi oryndy Almaty qalasynyń quramasy, áskerı bólimder janyndaǵy áskerı-patrıottyq klýbtardan Áýe qorǵanysy kúshteriniń «Bes qarý» komandasy, áskerı oqý oryndary ishinen Almaty qalasyndaǵy Baýyrjan Momyshuly atyndaǵy «Jas ulan» respýblıkalyq mektebi, memleketter arasynda Qyrǵyzstan ıelendi.
Odan bólek jeke esepte óńirler arasyndaǵy jarystyń osy túrindegi úzdik nátıjeni (10 mın. 39 sek) almatylyq Álı Mádenıet kórsetti. Áskerı bólimder janyndaǵy áskerı-patrıottyq klýbtar arasynda Tótenshe jaǵdaılar mınıstrliginiń «B.T. Kerimbaev» ÁPK tárbıelenýshisi Sátpaı Boranqulov (10 mın. 30 sek) ozdy. Elimizdiń áskerı oqý oryndary arasynda Almaty oblysynyń «Arystan» mamandandyrylǵan lıseıinen Mıras Maýtan 10 mın. 36 sekýndta márege jetip, úzdik atandy. Baıqaýǵa qatysýshy shet memleketter quramalary arasynan qyrǵyzstandyq Ázimbek Medetbekov (10 mın.54 sek) jeńiske jetti.
О́ńirlik komandalardan qyzdar arasynda bir shaqyrym qashyqtyqty jalpy ýaqyty 18 mınýt 11 sekýndta eńsergen Almaty qalasyna birinshi oryn ıelendi. Bul jarysta áskerı bólimderdiń áskerı-patrıottyq klýbtar tobynda Qorǵanys mınıstrligi Bitimgerlik operasııalar ortalyǵynyń «Han Sultan» komandasy (18 mın.17 sek.) jeńiske jetti.
Jeke esepte áskerı bólimder klýbtary sanatynda 3 mın. 9 sek nátıjesimen birinshi oryndy Tótenshe jaǵdaılar mınıstrliginiń «B. T. Kerimbaev» ÁPK ókili Alısa Trotno jeńip aldy. Baıqaýdan tys óner kórsetken ózbekstandyq sportshy Raıhona Hamroevanyń ýaqyt kórsetkishi – 3 mın. 18 sek.
О́ńirler arasynda arqan tartysta Jambyl oblysynyń quramasy úzdik dep tanyldy. Áskerı bólimderdiń ÁPK ishinde «Ońtústik» óńirlik qolbasshylyǵynyń «Bolashaq» komandasy, oqý oryndarynan «Arystan» mamandandyrylǵan lıseıi, qatysýshy memleketterden Belarýs elinen kelgen Mınsk Sývorov áskerı ýchılıshesiniń komandasy jeńiske jetti.
Bes kezeńdik áskerılendirilgen estafeta baıqaýyna qatysýshylar AK-74-ti bólshekteý jáne qurastyrý normatıvin oryndap, gaztumyldyryq pen jalpy áskerı qorǵanys kostıýmin kııýden jarysty. Synaqtarǵa zaqymdanǵan jerden ótý, sym qorshaý astynda jorǵalaý jáne sadaq atý kirdi.
О́ńirler arasynda estafetanyń barlyq kezeńderinen ótýde Aqmola oblysynyń quramasy 4 mınýt 40 sekýndta úlgerip, úzdik ýaqyt kórsetti. Áskerı bólimderdiń áskerı-patrıottyq klýbtary ishinde Qorǵanys mınıstrligi Bitimgerlik operasııalar ortalyǵynyń «Han Sultan» komandasy (4 mın.19.10 sek) kózge tústi. Oqý oryndarynyń arasynda Atyraý oblysynyń «Sarmat» mamandandyrylǵan áskerı mektep-lıseı-ınternatynyń tárbıelenýshileri (5 mın. 44 sek) bar kezeńderde ozyp shyqty. Qatysýshy memleketter arasynda Qazaqstan quramasy jeńiske jetti (4 mın. 31 sek.).
«Aıbyn» X halyqaralyq áskerı-patrıottyq jastar jıynynyń jabylýy jáne jeńimpazdar men júldegerlerdi marapattaý rásimi erteń ótedi.
Qyrmyzy JUMAǴALIQYZY,
EUÝ stýdenti
