Kandıdat Syzdyqov saılaýdaǵy daýysyn Kókshetaýda berdi

KО́KShETAÝ. 26 sáýir. Qazaqstan prezıdenttigine saılaýǵa Qazaqstan halyqtyq kommýnıstik partııasynyń úmitkeri retinde qatysyp jatqan Turǵyn Syzdyqov daýysty Kókshetaýda berdi. Bul týraly egemen.kz tilshisi habarlady. Prezıdenttikke kandıdat keshe otbasy jaǵdaıyna baılanysty shuǵyl Kókshetaýǵa júrip ketken edi. Ol búgin munda tańǵy 7-de saılaý ýchaskesine kelip, aldyńǵylardyń qatarynda daýys berdi. Turǵyn Syzdyqov qaladaǵy qoǵamdyq tamaqtandyrý kolledjiniń ǵımaratynda ornalasqan №32 saılaý ýchaskesine keldi. Biraq jubaıynsyz, bir ózi keldi. Sebebi, áıeli basqa jaqta pasporttyq tirkelimde turady eken. Eske sala keteıik, Turǵyn Syzdyqov prezıdenttikke kandıdat bolyp Qazaqstan halyqtyq kommýnıstik partııasynan tirkeldi. Ol 1947 jyly týǵan. 1974 jyly Máskeýdegi Joǵary komsomol mektebin bitirgen. Budan basqa, Selınograd aýyl sharýashylyǵy ınstıtýtyn támamdaǵan. Kókshetaý oblysy Lenıngrad aýdanynyń ákimi boldy, Soltústik Qazaqstan jáne Aqmola oblystarynda memlekettik qyzmetter atqardy. Sońǵy jyldary oblystyq máslıhattyń bólim meńgerýshisi bolyp istedi. Syzdyqov saılaýaldy kezdesýleri kezinde suralǵan boljamǵa baılanysty: «Boljam degen sút saýý emes, bul ónimniń shyǵymdylyǵyn arttyrý emes», - dep jaýap berdi. Baqbergen Amalbek. Derek, sýret: egemen.kz.