Foto: SQO ákimdigi
Úkimettiń baspasóz qyzmetiniń málimetinshe, sý tasqynynan zardap shekkenderdiń jalǵyz baspanasy sanalatyn 12 086 turǵyn úı men 7 380 saıajaı qurylysy sý astynda qalǵan. Zardap shekken óńirlerde 18 228 turǵyn úı tekserilip, 15 651 obekt boıynsha baǵalaý aıaqtaldy.
Baǵalaý qorytyndysy boıynsha 9 306 úı jóndeýge jatqyzylsa, 8 190 úı qalpyna keltirilmeıtini anyqtalǵan, olar boıynsha qaıtalama naryqta 5 714 úı men páter satyp alý, sondaı-aq úlgilik joba boıynsha 2 576 úı salý josparlanyp otyr.
Qazirgi ýaqytta turǵyn úıdi jóndeýge jáne qalpyna keltirýge 40 mlrd teńgege ótemaqy 6 176 otbasyna berildi. 3 414 otbasy qıraǵan baspanasynyń ornyna jańa úı men páter alǵan.
Batys Qazaqstan, Qostanaı, Atyraý, Aqtóbe, Aqmola, Soltústik Qazaqstan, Pavlodar oblystarynda zardap shekkenderge arnalǵan 2,5 myń jańa úıdiń qurylysy bastaldy.
