Foto: gov.kz
Oblystyq prokýratýranyń baspasóz qyzmetiniń habarlaýynsha, Talas aýdandyq prokýratýrasy «Taza-Talas» ShJQ KMM-niń balansyndaǵy kólikterdiń urlaný shemasyn anyqtady.
«Mekeme basshylyǵy jalǵan qujattar negizinde, satylymǵa shyǵarýsyz 4 avtokólikti úshinshi tulǵalarǵa satqan. Memleketke keltirilgen zalal mólsheri 22 mln teńgeni quraǵan. Atalǵan derek negizinde Talas aýdanynyń prokýratýrasy QK 189-baby 4-bóligi 2-tarmaǵymen (kinálige senip tapsyrylǵan bóten múlikti adamdar tobynyń aldyn ala sóz baılasýymen, asa ipi mólsherde talan-tarajǵa salý faktisi boıynsha) sotqa deıingi tergep tekserý bastaǵan», delingen habarlamada.
Qylmystyq isti oblystyq prokýratýranyń sotqa deıingi tergeý bólimi tergedi. Is aıasynda prokýratýra quny 10 mıllıon teńge turatyn eki kólikti qaıtaryp, 7 mıllıon teńgeni memlekettiń paıdasyna óndirdi.
Talas aýdandyq sotynyń úkimimen «Taza-Talas» kásipornynyń dırektory men onyń orynbasary ómir boıyna memlekettik qyzmette jumys isteýge tyıym salynyp, 7 jyl merzimge bas bostandyǵynan aıyryldy.
Sot úkimi zańdy kúshine engen joq.
