Foto: QR Parlamenti Senatynyń baspasóz qyzmeti
Májilis otyrysynda depýtat Ekaterına Smyshlıaeva júrgizýshi kýáligin alý úshin emtıhan tapsyrý tártibi týraly máseleni kóterdi. Onyń aıtýynsha, aımaqtarda júrgizýshi kýáligin alý úshin teorııalyq jáne praktıkalyq emtıhandardy tapsyrý kezinde júzdegen shaqyrym jol júrý qajet. Bul rette áleýetti júrgizýshilerdiń kontıngenti ósip keledi.
Kezdesý barysynda taraptar jahandyq úrdister men JI tehnologııalarynyń eldiń ekonomıkalyq damýyna tıgizetin áseri talqylandy. Máýlen Áshimbaev Memleket basshysynyń bastamasymen Qazaqstanda ınnovasııalarǵa negizdelgen jańa ekonomıkalyq model qurý jolynda aýqymdy reformalar júzege asyrylyp jatqanyn atap ótti.
«Qazaqstan Prezıdenti Qasym-Jomart Kemeluly Toqaevtyń bastamasymen el ekonomıkasyn ártaraptandyrý jolynda naqty sharalar qolǵa alyndy. О́ńdeý ónerkásibi, mashına jasaý, munaı hımııasy, kólik jáne logıstıka, týrızm jáne aýyl sharýashylyǵy sııaqty sektorlarǵa basa mán berilip otyr. Bizdiń maqsatymyz – jalpy ishki ónimdi eki esege ulǵaıtý jáne ony 2029 jylǵa qaraı 450 mıllıard dollarǵa jetkizý. Qazaqstan iskerlik ahýaldy jaqsartý baǵytynda aıtarlyqtaı ilgeriledi. Buǵan salyq zańnamasyn turaqtandyrý jáne ınvestısııalar úshin qolaıly jaǵdaı jasaý sııaqty mańyzdy qadamdardyń arqasynda qol jetkizilgenin atap ótken jón», dedi Senat tóraǵasy.
Sarapshylardyń boljamyna sáıkes, 2030 jylǵa qaraı JI-diń álem ekonomıkasyna qosatyn úlesi 16 trln dollarǵa jetpek. Osyǵan baılanysty kezdesýde jasandy ıntellekt ekojúıesin qalyptastyrý jáne elimizde osy salada mamandar daıarlaý barysy sóz boldy.
Salım Ismaıl Máýlen Áshimbaevqa JI tehnologııalaryna qyzyǵýshylyq tanytqany úshin alǵysyn bildirdi. Sondaı-aq ol Qazaqstannyń atalǵan saladaǵy tájirıbesin zerdelegisi keletinin aıtyp, negizgi baǵyttar boıynsha yntymaqtastyq ornatýǵa daıyn ekenin jetkizdi.
Aıta keteıik, Salım Ismaıl – jasandy ıntellektti qoldaný boıynsha iri álemdik kompanııalarǵa arnalǵan strategııalar ázirleý jáne birqatar Úkimet pen Memleket basshylaryna osy baǵytta keńes berý isinde tájirıbesi mol, bilikti sarapshy.
