«AMANAT» partııasynyń baspasóz qyzmetiniń habarlaýynsha, jýrnalıster arasyndaǵy respýblıkalyq baıqaý osymen 15 jyl qatarynan ótkizilip keledi. Bıyl baıqaýǵa 200-ge jýyq adamnan 1500-ge jýyq jumys kelip tústi. Olardyń basym kópshiligi – aımaqtardaǵy BAQ qyzmetkerleri. Sondaı-aq bıyl kelip túsken barlyq jumystyń shamamen 30%-y «Biz birgemiz» – sý tasqynymen kúres týraly úzdik materıal» nomınasııasyna joldandy.
Májilis Spıkeri, «AMANAT» partııasynyń Tóraǵasy Erlan Qoshanov syılyq ıegerleri men barsha BAQ ókilderin aldaǵy kásibı merekelerimen quttyqtady.
«Jýrnalıster – memleket pen qoǵamnyń arasyndaǵy altyn kópir. Sizder eldiń damý baǵdaryn, Memleket basshysynyń reformalaryn, oń ózgeristerdi halyqqa jetkizýde sheshýshi rol atqaryp kelesizder. Prezıdent aıtqandaı, tek myqty, kásibı jáne derbes mass-medıa ǵana shynaıy ıdeologııalyq egemendigimizdi qamtamasyz ete alady. Kúni keshe onyń tapsyrmasy boıynsha ázirlengen «Mass-medıa týraly» Zańǵa qol qoıyldy. Bul qujat jýrnalıster quqyǵynyń qorǵalýyn kúsheıtip, otandyq medıa salany damytýǵa tyń múmkindikter beredi», dedi Erlan Qoshanov.
Sonymen qatar «Aımaq týraly eń úzdik materıal» nomınasııasynyń jeńimpazy Móldir Saparova baıqaýdan alǵan áserin aıtyp berdi.
«Biz óńirdiń 80 jyldyǵyna oraı, arnaıy reportaj daıyndadyq. Qazylar alqasy bul jumysty júldege laıyq dep tanyǵany qýantady. Bul tek meniń ǵana jeke jetistigim emes, «Jetisý» telearnasy ujymynyń ortaq jeńisi», dedi ol.
О́z kezeginde «Jastar týraly úzdik materıal» nomınasııasynyń jeńimpazy Altynbek Mersadyq óskeleń urpaq jóninde jazýdyń jýrnalıster qaýymy úshin qanshalyqty mańyzdy ekenine toqtaldy.
«Baıandy bolashaq – jalyndy jastardyń qolynda. Olar jańa qadamdarǵa bastamashy bolyp qana qoımaı, árkez áleýmettik ózgeristerdiń qozǵaýshy kúshine aınalyp jatady. Al jýrnalıstıka bolsa, osy jastar qaýymynyń qyzyǵýshylyǵy men qajettiligin baıandaı otyryp, olardyń ómirde oń baǵyt-baǵdar tańdaýyna yqpal etedi», dedi Altynbek Mersadyq.
Osylaısha, konkýrstyq komıssııanyń sheshimimen kelesi azamattar «AMANAT MEDIA SYILYǴYNYŃ» bıylǵy jeńimpazdary:
- «Elimizdegi reformalar týraly úzdik materıal» nomınasııasynda – «Qazaqstan» telearnasyndaǵy «Apta» baǵdarlamasynyń jetekshisi ári júrgizýshisi Jaına Slambek;
- «Adal azamat» týraly úzdik materıal» nomınasııasynda – «24 KZ» telearnasyndaǵy «Arnaıy joba» baǵdarlamasynyń avtory ári júrgizýshisi Aıǵanym Dostanbaı;
- «Jastar týraly úzdik materıal» nomınasııasynda – «Aikyn.kz» saıtynyń redaktor-jýrnalısi Altynbek Mersadyq;
- «Aımaq týraly eń úzdik materıal» nomınasııasynda – «Indýstrıalnaıa Karaganda» gazeti dırektorynyń orynbasary-bas redaktor Oksana Mıagkıh jáne «Jetisý» telearnasynyń jýrnalısi Móldir Saparova;
- «AMANAT» partııasynyń jumysy týraly úzdik materıal» nomınasııasynda – «Lıter» gazetiniń tilshisi Mergýl Djılkıshınova;
- «Alash» qozǵalysy týraly úzdik materıal» nomınasııasynda – «Caspian News» telearnasyndaǵy taqyryptyq baǵdarlamalar bóliminiń shef-redaktory Aıdos Qarabala;
- «Biz birgemiz» – sý tasqynymen kúres týraly úzdik materıal» nomınasııasynda – «Qazaq radıolary» aqparattyq-saraptaý qyzmetiniń redaktory Azamat Tilepov jáne «Egemen Qazaqstan» gazetiniń Atyraý oblysy boıynsha menshikti tilshisi Joldasbek Shópeǵul.
Arnaıy syılyq ıegerleri:
- Sherhan Murtaza jáne Kamal Smaıylov atyndaǵy «Televızııa úzdigi» syılyǵyn – jýrnalıst ári telejúrgizýshi Aıgúl Múkeı;
- «Belsendi azamattyq ustanymy úshin» syılyǵyn – «Mangystau» telearnasynyń redaktory ári júrgizýshi Shynar Jumasat;
- Qanysh Sátbaev atyndaǵy «Ǵylym álemi» syılyǵyn – «Qazaqstan» telearnasynyń arnaıy tilshisi Azamat Nuǵymanov ıelendi.
