«Parlament sózi» syılyǵy tabystaldy

Aldymen Palata spıkeri «Par­la­ment sózi» syılyǵynyń jeńimpazdary men barsha buqaralyq aqparat qural­dary ókilderin kásibı merekemen quttyqtady.

«Keıingi jyldary jýrnalısterdiń qyzmetin, sóz bostandyǵyn qamtamasyz etý jolynda kóp sharýa atqarylyp jatyr. Memleket basshysy Qasym-Jomart Kemeluly Toqaevtyń júrgizip otyrǵan saıasatynyń negizgi ózegi de sol. Sonyń birden-bir kórinisi – osy Májilis alańy. Búgingi tańda BAQ – aqparatty halyqqa jetkizýdiń eń mańyzdy, obektıvti jáne jedel arnasy. Al jýrnalıster qaýymyn depýtattardyń eldi damytý jolyndaǵy naǵyz odaqtastary deýge bolady», dedi Palata spıkeri.

Erlan Qoshanov Prezıdenttiń tapsyrmasy boıynsha ázirlengen «Mass-medıa týraly» jańa zańdy depýtattar jýrnalıstermen birge jazǵanyn jáne olardyń kóptegen usynys-pikirin eskergenin atap ótti. Jańa zań buqaralyq aqparat quraldarynyń múddelerin qorǵaıdy jáne otandyq medıa salasyn jetildirýge mol múmkindik beredi. Onyń jumysyna jýrnalıster arasynan shyqqan eń belsendi depýtattar qatysty. Olar árqashan óz áriptesterimen baılanysta jáne Májilistiń ashyqtyǵy úshin kóp jumys isteıdi.

Caltanatty jıynda «Úzdik baspa jarııalanymy úshin» atalymymen «Túrkistan» gazetiniń bas redak­tory Baýyrjan Babajanuly, «Iýrıdı­ches­kaıa gazeta» basylymynyń tilshisi Lınara Sakta­ganova marapattaldy. 

«Úzdik televızııalyq sıýjet úshin» atalymynda «Habar» telearnasynyń tilshisi Alına Brjanova, «Almaty» teleradıokompanııasynyń jýrna­lısi О́mir Ánýarbek, «Eýrazııa» birinshi arnasy» telearna­synyń tilshisi Janel Qaınetden úzdik dep tanyldy.

«Úzdik beıne-sýret materıaly úshin» atalymy «Qazaqparat» halyqaralyq aqpa­rat agenttiginiń fototilshisi Vıktor Fedıý­nınge, «MIR» telearna­synyń teleoperatory Marat Kýrakov tabystaldy.

«Úzdik ınternet jáne radıo mate­rıa­ly úshin» atalymyn «Baq.Kz» aqparat agent­tiginiń tilshisi Gúl­jan Raman­qulova, «NS» ra­dıo­synan Erbol Begimbetov, «BES.media» jelilik basylymy­nyń jýrna­lısi Damır Baımanov aldy.

«Arnaıy reportaj» atalymy bo­ıynsha «24.kz»  telearnasy «Májilis live» baǵdarlamasynyń júrgizý­shisi Anna Shol­gına, «Abai.live» Youtube arnasynyń júrgizý­shi-re­daktory Abaı Tilenshıev, «Zakon.kz» saıtynyń tilshisi Andreı Gýbenko marapattaldy.

«Parlamenttik jýrnalıstıkany damytýǵa qosqan úlesi úshin» atalymynda «Qazaqstan» ulttyq arnasy «Apta» baǵdarlamasynyń jetekshisi Jaına Jaksylyqova men «Vremıa» gazetiniń bas redaktory Lev Tarakov jeńiske jetti.

Sondaı-aq «Parlament sózi» arnaıy syılyǵy atalymy «Tengrinews.kz» jelilik basylymy men «Jibek joly» telearnasynyń ujymyna tabys etildi.