Fotolar: Maqsut Narikbayev University
Atalǵan ýnıversıtettiń baspasóz qyzmeti málim etkendeı bıyl MNU stýdentteri QAA arqyly akkredıttelgen, ıaǵnı Ulybrıtanııanyń joǵary bilim berý sapasynyń standarttaryna sáıkes keletin dıplomdaryn qoldaryna aldy.
Mereke dástúrli túrde ýnıversıtettiń ortalyq Femıda alańynda ótti. MNU Provosty Sergeı Pen birinshi kezekte sóz alyp, túlekterdi ýnıversıtetti aıaqtaýymen quttyqtap, jyly lebizin bildirdi.
«Búgin árbirińizdiń jahandy jaqsartýǵa atsalysa alatyndyǵyńyzǵa kepil bolatyn dıplomdaryńyzdy qoldaryńyzǵa alasyzdar. Álem turǵyndarynyń sany 8 mıllıard bolsa, sizder solardyń ishindegi – 694 júırigisizder. Sebebi sizder – MNU túlekterisizder. Biz barshańyzǵa senim artyp otyrmyz, al jetistikterińiz jaqyndaryńyzǵa, bizdiń ýnıversıtetke maqtanysh bolatyny anyq. О́mirlik jáne kásibı jolda danalyq pen abyroı bıigine kóterilińizder», dedi Sergeı Pen.
Sondaı-aq MNU stýdentteri bar yqylaspen Otan úshin eńbektenýge, patrıotızm, adaldyq pen ádildikti alǵa tartýǵa ant berdi. Dástúr boıynsha Femıda músininiń janyndaǵy Ortalyq alańǵa «juldyz» qoıylyp, bul túlekter býyny ýnıversıtet tarıhyna máńgilikke endi.
Is-sharanyń arnaıy qonaǵy, Májilis depýtaty Aıdarbek Hodjanazarov túlekterdi quttyqtady.
«Sizder úzdik ýnıversıtettiń shákirtisizder! Eger siz óz ortańyzdyń eń aqyldysy bolyp kórinseńiz, demek, qorshaǵan qaýymyńyzdy ózgertýińiz kerek. Árdaıym ózińizden áldeqaıda aqyldy, tájirıbeli adamdarmen sóılesińiz. Barshańyzǵa baqyt tileımin. Bul jahan qansha keń kóringenimen, sizder alar asý alda!», dedi Májilis depýtaty.
Saltanatty is-shara sahnasynda belgili ánshi Dastan Orazbekov án shyrqap, merekelik kóńil-kúı ústedi.
