Foto: Astana ákimdigi
Dástúrli 25 shaqyrymdyq qashyqtyqty baǵyndyrýǵa qatysýshylar Úrker eldi mekeniniń «Jasyl beldeý» saıabaǵyna deıingi aralyqty júrip ótti.
Velosherýge Astana qalasy turǵyndarynan bólek, Aqmola, Almaty, Atyraý, Jambyl, Pavlodar oblystary jáne Shymkent qalasynan qatysty.
«Atyraý oblysynan keldim. Qazirgi ýaqytta Astanada oqý-jattyǵý jıyndaryn ótkizip jatyrmyz. Aldaǵy kúnderi veloshosseden chempıonatqa qatysamyz. Búgin demalys bolǵandyqtan, jattyǵýdan bólek, «Jasyl beldeýdi» de kórdim. Jap-jasyl. Aýasy taza, typ-tynysh. Jol boıy keremet sýretterge túsip keldik. Qala kúni ýaqytyna tuspa-tus kelgenimizge qýanyshtymyn!», dedi Jantilek Joldas.
Sondaı-aq qatysýshylar arasynda lotereıa oınatylyp, nátıjesinde 10 adam velosıped utyp aldy.
«Astana qalasy jyl saıyn keńeıip, sport ortalyǵyna aınalyp keledi. Ár apta saıyn buqaralyq júgirý, velosport t.b. jarystar jıi ótedi. Al «Jasyl beldeýdiń» orny bólek. Kádimgideı sergip qalasyń. Aýa raıy da óte qolaıly boldy. Is-shara sońynda lotereıadan velosıped te utyp aldym. Bul da men úshin qosymsha qýanysh. Barshańyzdy kele jatqan qala kúnimen quttyqtaımyn!», dedi qala turǵyny Serik Halelov.
Mereke sońynda dástúr boıynsha barlyq qatysýshylarǵa palaý men tátti kompot taratyldy.
