Foto: adyrna.kz
Talǵat Ýálı búginde elimiz boıynsha sot oryndaýshylarynyń oryndaýynda alıment óndirip alý týraly 291 myń atqarýshylyq is júrgizilip jatqanyn atap ótti. Onyń ishinde 281 myń boryshker - erler, 11 myńnan astamy – áıelder ekeni belgili boldy.
«2024 jyldyń basynda problemalyq alıment tólemderiniń sany 20,7 mlrd teńgeni quraıtyn 16 197 óndiristi qurasa, qazirgi ýaqytta problemalyq alıment tólemderi 21%-ǵa (soma 35%-ǵa deıin) azaıdy, ıaǵnı 13 mlrd teńgege - 12 883 óndiriske deıin tómendedi. Ortasha alǵanda, alıment óndirisiniń 95%-dan astamy sot oryndaýshylarynyń talaptaryn esh qıyndyqsyz oryndaıtyn jumys berýshilerdiń býhgalterlik qyzmetteri arqyly óndiriledi», dep túsindirdi vedomstvo ókili.
Sondaı-aq sot oryndaýshylary 7 myńnan astam boryshkerdiń respýblıkadan tys jerge shyǵýyna ýaqytsha shekteý qoıdy.
Bul rette Talǵat Ýálı boryshkerler alımenttik mindettemelerdi tıisinshe oryndamaǵany úshin ákimshilik jáne qylmystyq jaýapkershilikke tartylatynyn eske saldy.
«Jyl basynan beri Qylmystyq kodekstiń 139-baby boıynsha 1875 boryshker ákimshilik jaýapkershilikke tartylyp, onyń 115-i sotqa joldandy, 55 boryshker sottaldy», dep túıindedi Talǵat Ýálı.
