Foto: primeminister.kz
Pavlodar oblysyna jumys sapary barysynda Úkimet basshysynyń birinshi orynbasary Roman Sklıar Ekibastuz qalasynyń jylýmen jabdyqtaý kózderindegi jóndeý jumystarynyń barysymen tanysty. Búginde Ekibastuz MAES-2-ni keńeıtý jáne rekonstrýksııalaý jobasy iske asyp jatyr. Bul úshin óndiriste №3, 4 energııa blokterin ornatý kózdelgen. Nátıjesinde, kásiporyn jylyna qosymsha 6,8 mlrd kVT/saǵat energııa óndiredi jáne stansanyń belgilengen qýatyn 1 myń MVt-qa arttyrady.
«Úkimet tarapynan barlyq tıisti sheshimder qabyldandy. Jabdyq óndirýshilermen, eksporttyq qarjylandyrýmen kelisimder sheshildi, sondyqtan bıyl kúzde jumysty bastaýǵa kirisińizder», dedi birinshi vıse-premer.
Roman Sklıar B.Nurjanov atyndaǵy «Ekibastuz MAES-1» JShS qyzmetimen tanysty. «Jańa elektr súzgilerin ornatýmen №1 energııa blogin qalpyna keltirý» jobasy – qoldanystan shyǵarylǵan energııa blokterin qalpyna keltirý jónindegi úsh jobanyń sońǵysy. Ol stansanyń qazirgi jobalyq qýatyn 4 myń MVt-qa deıin ulǵaıtý maqsatynda iske asyrylyp jatyr. Stansada jobany júzege asyrý kezinde 1,1 myń qyzmetker jumyldyrylǵan. MAES-ti qysqy kezeńge daıyndaý jospar boıynsha júrgizilip jatyr.
Sondaı-aq jaqynda stansanyń tórt energııa bloginiń toqtap qalýyna qatysty másele túsindirildi. О́kinishke qaraı, mundaı jaǵdaılar oryn alyp turady. Degenmen tutynýshylarǵa elektr qýatyn berý úzilgen joq. Roman Sklıar jaǵdaıdy muqııat zerttep, táýekelderdi azaıtý úshin qajetti sharalardy qabyldaý qajet ekenin atap ótti.
«Qys bastalǵansha sorǵy qondyrǵylarynyń senimdi jumys isteýin qamtamasyz etip, negizgi jabdyqtardyń tozýyn barynsha azaıtý kerek. Tótenshe jaǵdaılardyń aldyn alý úshin barlyq qajetti sharalardy qabyldaý qajet», dedi vıse-premer.
Pavlodar oblysynyń ákimi Asaıyn Baıhanov Ekibastuz qalasynyń jalpy uzyndyǵy 4 shaqyrymǵa jýyq iri jylý magıstralderi – TM-1 jáne TM-3 nysandaryn rekonstrýksııalaý jumystary týraly baıandady.
«Úkimet rezervinen 3,6 mlrd teńge bólindi. Bul jelilerdi jańartý 87-den astam kópqabatty úıdi, 8 myńnan astam adam turatyn 500-den astam jeke turǵyn úıdi jylýmen jabdyqtaý júıesin jaqsartýǵa múmkindik beredi», – dep atap ótti óńir basshysy. О́tken jyly munda jalpy uzyndyǵy 5,3 shaqyrym bolatyn 4 jylý magıstrali rekonstrýksııalandy. Buǵan qosa, Úkimet rezervinen uzyndyǵy 3,5 km bolatyn jańa №7/1 jylý magıstralin salýǵa qarajat bólindi. Qazirgi tańda gıdravlıkalyq synaq jumystary júrgizilip, atalǵan nysan paıdalanýǵa berildi. 4 kezeńnen turǵan synaqtar ótken maýsymda 70 km-ge jýyq jelini aýystyrý esebinen zaqymdaný faktileriniń 2 ese azaıǵanyn anyqtady.
Roman Sklıar TM-7 jylý magıstralin rekonstrýksııalaýǵa qatysty taǵy bir jobany qoldaýǵa ýáde berdi, oǵan daıyndyq smetalyq jumystary búginde júrgizilgen. Bul kúrdeli ýchaske, ony qaıta qurý №15 shaǵyn aýdandy jylýmen jabdyqtaý parametrlerin jaqsartady.
Jalpy alǵanda, oblys boıynsha JEO men jelilerdi jóndeý jumystary merzimderdi saqtaı otyryp júrgizilýde. Aqsýda alǵash ret oramishilik jeliler qaıta jańǵyrtylyp jatyr. Pavlodarda jelilerdi jóndeý jumystaryn qyrkúıek aıynyń basyna deıin aıaqtaý josparda bar.
Memleket basshysynyń TKSh ınfraqurylymyn keshendi qalpyna keltirý jónindegi tapsyrmalaryn oryndaý aıasynda Úkimet Ekibastuz jylý elektr ortalyǵyn odan ári jańǵyrtýǵa: tórt qazandyq agregatyn kúrdeli jáne aǵymdaǵy jóndeýge jáne tundyrylǵan sý magıstralin salýǵa 3,4 mlrd teńge bóldi. Jumys sapary barysynda Roman Sklıar Ekibastuz JEO-da júrgizilip jatqan jóndeý jumystarynyń barysyn tekserdi.
Kásiporyn basshylyǵy jumys kestege sáıkes júrip jatqanyn, jylytý maýsymynda stansa 7 qazandyqpen jumys isteıtinin, al 3 qazandyq rezervte bolatynyn habarlady.
Sonymen qatar JEO-ny kúlden gıdravlıkalyq tazartý úshin tundyrylǵan sýmen qamtamasyz etetin qubyrdyń tozyǵy jetken. Tundyrylǵan sýdyń jańa magıstralin salý jobasyn iske asyrýǵa qarajat bólinip, jumystar bastalyp ketken. Joba bıylǵy qazan aıynda aıaqtalady dep ktúilip otyr.
Roman Sklıar jańa jylytý maýsymyna daıyndyqqa asa jaýapkershilikpen qaraýdy, barlyq qajetti jóndeý jumystary sapaly ári ýaqtyly júrgizilýi kerek ekenin eskertti.
Buǵan qosa, ol «Bogatyr» kómir kenishindegi sıkldi-tolassyz tehnologııanyń ınnovasııalyq jobasymen tanysty. Sıkldi-tolassyz keshenniń aýqymdy qurylysy kezinde 40 myńnan astam temir-beton konstrýksııasy qoldanyldy, 174 myń sharshy metr aýmaqqa salmaǵy 15 myń tonnadan asatyn jabdyq montajdaldy. Úsh jyldyń ishinde STT nysandarynyń qurylysyna qazaqstandyq kompanııalardyń merdigerlik uıymdarynyń 430 qyzmetkeri men 30 nemis mamany tartyldy.
STT jobasynyń basty máni – tozyǵy jetken negizgi tehnologııalyq jabdyqtardy jańartý jáne 230 metr tereńdikten kómir qorlaryn tolyq jáne utymdy qazyp alýdy qamtamasyz etý. Bul – burynǵy temirjol tehnologııasyn paıdalaný kezinde múmkin emes edi.
Sondaı-aq birinshi vıse-premerge turǵyn úı qurylysynyń barysy týraly aqparat berildi. О́tken jyly Ekibastuzda 3 kópqabatty turǵyn úı paıdalanýǵa berilgen bolatyn. Barlyǵy 4 jyl ishinde 21 kópqabatty turǵyn úı salyndy. Búgingi tańda jeke ınvestısııalar esebinen taǵy 3 joba júzege asyrylyp jatyr. Oǵan qosa 7 bes qabatty úı salýǵa daıyn jobalar bar.
Pavlodar oblysy
