QMG ken oryndarynyń túıtkildi máseleleriniń biri óndirilýi qıynǵa túsetin qorlardy ıgerýmen baılanysty. Qazirgi ýaqytta jetilgen ken oryndarynan alynatyn qaldyq qorlar shamamen 450 mln tonnany quraıdy, bul rette óndirilýi qıynǵa túsetin qorlardyń úlesi 50%-dan asady. О́ndirilýi qıynǵa túsetin qorlardyń basym bóligi tutqyrlyǵy joǵary, munaı ótkizgishtigi tómen jáne karbonatty kollektorlary bar ken oryndaryna shoǵyrlanǵan.
QMG jetilgen ken oryndary úshin tehnologııalyq syn-qaterler Jol kartasy boıynsha (jalpy sany 70-ten astam) óndirýdiń 80%-dan astamyn qamtamasyz etetin úzdik 12 ken orny anyqtaldy. Osy ken oryndary boıynsha munaı óndirý koeffısıentin (MО́K) ulǵaıtý jónindegi is-sharalar bekitil-
di.
Keńeste óndiris qarqynyn ulǵaıtý maqsatynda qoldanylǵan tehnologııalardyń nátıjeleri qaraldy (orta MО́K – 38%). Sondaı-aq QMG árbir óndirýshi kásiporynnyń tehnologııalyq syn-qaterleri boıynsha 2028 jylǵa deıingi naqty kúntizbelik jospar usynyldy. Bul kartalar daıyndyq jumystaryn, tájirıbelik-ónerkásiptik synaqtardy jáne ken oryndaryna tıimdi tehnologııalardy engizýdi qamtıdy.
QMG basshysy óndirilýi qıynǵa túsetin munaı qorlaryn ıgerý, rentabeldiligi tómen ken oryndarynan munaı óndirý qarqynyn arttyrý, jóndeýaralyq kezeńdi ulǵaıtý, sondaı-aq jańa tehnologııalardy engizý úshin ǵylymı zertteý jáne tájirıbelik-konstrýktorlyq jumystardy (ǴZTKJ) júrgizý sııaqty túıindi máselelerdi atap ótti.
«Jańa tehnologııalar munaı óndirýdiń ulǵaıýyna qol jetkizýge múmkindik beredi. О́ndirilýi qıynǵa túsetin munaı qorlarynyń zor áleýetin eskere otyryp, jetilgen ken oryndaryndaǵy óndiristi arttyrý jáne MО́K ulǵaıtý úshin synalǵan jáne usynylǵan tehnologııalardy ónerkásiptik engizý tájirıbesin barynsha aýqymdy etý qajet», dep atap ótti keńeste sóz sóılegen A.Hasenov.
Keńes nátıjesinde QMG óndirýshi kompanııalardyń aldyna naqty mindetter qoıyldy.
