Foto: Eńbek jáne halyqty áleýmettik qorǵaý mınıstrligi
«Qujat jalpy belgilengen kvota sheńberinde mıgranttardy qabyldaýdyń óńirlik kvotasyn dál osyndaı sanǵa qysqartý arqyly mıgranttardy qabyldaýdyń óńirlik kvotasyn 600 adamǵa arttyrýdy kózdeıdi», delingen mınıstrliktiń habarlamasynda.
О́ńirlik kvotalardy ózgertý qajettiligi jumys kúshi tapshy óńirlerge (soltústik óńirlerge) keletin mıgranttar sanynyń artýyna baılanysty.
Buıryq jobasy 16 shildege deıin qoǵamdyq talqylaý úshin «Ashyq NQA» portalynda ornalastyrylǵan.
Esterińizge sala keteıik, Eńbek jáne halyqty áleýmettik qorǵaý mınıstriniń buıryǵymen qandastar men qonys aýdarýshylardy qabyldaýdyń 2024 jylǵa arnalǵan óńirlik kvotasy 9 483 adam bolyp belgilengen, bul ótken jylmen salystyrǵanda 554 adamǵa kóp.
Aıta keterligi, 2024 jyldyń 1 maýsymyndaǵy jaǵdaı boıynsha 7353 etnıkalyq qazaq tarıhı otanyna oralyp, qandas mártebesin aldy. 1991 jyldan beri respýblıkaǵa barlyǵy 1 mıllıon 135,7 myń etnıkalyq qazaq oraldy.
