Baqylaýsyz ketken balalar

Elordalyq polıseıler «Qu­qyqtyq tártip» jedel-aldyn alý is-sharasy aıasynda, son­daı-aq kámeletke tolmaǵandar ara­syn­daǵy quqyq buzýshylyqtar men qylmystardyń aldyn alý, balalardyń qadaǵalaýsyz jáne baqylaýsyz qalýynyń aldyn alý maqsatynda turaqty negizde jergilikti-reıdtik is-sharalaryn ótkizedi. Sebebi káme­let­ke tol­maǵandarǵa qatysty qoz­ǵalatyn qylmystyq istiń kóbisi zorlaý, jas balalardy azǵyn­dyq jolǵa túsirý men 16 jasqa tol­maǵandarmen jy­nystyq qaty­nasqa túsý baby boıynsha qaralǵan. Al jaǵa usta­tar mun­daı qylmystyń artýy­na tún­gi jor­týyldyń da saldary baryn quqyq qorǵaý qyzmetkerleri jıi eskertedi. Inspektorlar ata-analar men oqýshylarǵa kún­de­­likti túsindirme jumysyn júr­­gizip, júıeli túrde kezdesý ótkizedi. Onyń ishinde túngi mezgil­de júretin jetkinshekterdi baqy­laýǵa alýǵa erekshe nazar aýdarylady. О́ıtkeni álginde aıtqandaı, jasóspirimder qylmysyna ata-ananyń baqylaýynsyz qalǵan balalardyń qatysy kóbirek bolady. Sol úshin tártip saqshylary jaz mezgili bastalsa, táýlik boıy júr­giziletin túngi qaladaǵy tekse­ris­ti údete túsedi.

Búginde kámeletke tol­ma­ǵan­dardyń arasyndaǵy quqyq buzý­shylyqtyń aldyn alýdy kóz­deı­tin is-sharalarǵa qosymsha «komen­danttyq saǵat» engizilgen. Bul 18 jasqa tolmaǵan balalar men jasóspirimderge zańdy ókilderiniń erip júrýinsiz úıden tys jerge shyǵýyna tyıym salýǵa ba­ǵyt­talǵan. Iаǵnı kámeletke tol­maǵan balanyń túngi onnan keıin oıyn-saýyq mekemelerinde jú­rýine, al túngi on birden soń tur­ǵyn­jaıdan attap shyǵýǵa múlde bolmaıdy. Alaıda quqyq qor­ǵaý qyzmetiniń ókilderi eskert­pe­ni eleń qylmaıtyn ata-analar men jasóspirimderdiń jıi kez­desetinin tilge tıek etedi. Son­dyqtan polıseıler oıyn-saýyq mekemelerinde kámeletke tol­ma­ǵan­dardyń bolýyna jıi tek­seris jasap, turaqty reıd júr­gi­zedi.

Máselen, jaqynda ótkizilgen is-shara kezinde Sh.Aıtmatov kó­she­­sindegi qalanyń kompıýter­lik ­klýb­­­tarynyń birinde saǵat túngi ekide 16 jastaǵy jasóspirim alań­syz oıynnyń qyzyǵyna kirip ket­keni anyqtalyp otyr. Eń soraqysy, eskert­peni eleń qyl­maǵan balanyń qasynda zań­dy ókili de joq. Al mundaı tún­de­letip júrgen bala­lardyń ja­ýap­kershiligin umyt qaldyrǵan ata-analarǵa jaýap­ker­shilik bar. Aıtalyq, túngi saǵat 22-den tań­ǵy 6-ǵa deıin oıyn-saýyq meke­me­­­sinde bolýyna jol bergeni úshin mekeme ákimshisi ÁQBtK 132-babynyń 1-bóligine sáıkes, ákim­­shilik jaýapkershilikke tar­tyl­dy. Sondaı-aq kámeletke tol­maǵan balanyń ata-anasyna ÁQBtK 442-babynyń 1-bóligi bo­ıyn­sha ákimshilik jaýapkershilik qaras­ty­rylǵan.

Bıyl jyl basynan bastap elordalyq polıseıler osyndaı 4 myńnan astam kámeletke tolmaǵandardy aýmaqtyq PB-ǵa jetkizdi. Astana qalasynyń polısııa departamenti ata-analarǵa balalarynyń tárbıesi men qaýip­siz­digine jaýapkershilikpen qa­raý qajettigin eskertip keledi. Al bul eskertpeni elemeıtin, ja­ýapty mindetine júrdim-bar­dym qaraıtyn ata-analarǵa ar­nal­ǵan zańnyń baby bar. Túnde júr­gen balalardyń taǵ­dy­­ry tol­­­ǵandyrmasa, mindet­te­rin tıi­sinshe oryndamaǵan zań­dy ókil­­der ákimshilik jaýap­ker­shi­lik­ten jaltara almaıdy. О́ıtkeni qylmysty boldyrmaý – tártipke moıynusynýdan bastalady.