Foto:orda.kz
Polısııa dereginshe alaıaqtar ózin jaqyn adamy retinde tanystyryp, qomaqty qarjy suraıdy. Mamandar osyndaı jaǵdaıǵa tap bolǵanda aqparattardy naqtylap suraýǵa keńes beredi.
«Qarajat ne úshin qajet ekenin jáne aqshany qandaı shotqa aýdarý kerek ekenin surańyz. Sizge RBK kartasy nemese shot nómiri jiberilýi múmkin. Eger siz ózge bank shotyna, mysaly Kaspıı arqyly aýdarýdy usynsańyz, tıesili banktegi karta qaıta shyǵarylymda dep jaýap beredi», delingen IIM habarlamasynda.
Sondaı-aq tanysyńyzdyń atyn jamylyp qarjy suraǵanda, sol kisiniń ózine tikeleı qońyraý soǵý kerek.
«Alaıaqtar qylmystyq shemalaryn osylaı júzege asyrady. Olar fıshıng arqyly messendjerlerge qol jetkizip, uqsas habarlamalardy joldaıdy», dep túsindirdi IIM baspasóz qyzmeti.
