Memleket basshysy Qasym-Jomart Toqaev «Jańa jaǵdaıdaǵy Qazaqstan: is-qımyl kezeńi» atty Joldaýynda memlekettik organdardyń, kvazımemlekettik sektordyń qoǵam aldyndaǵy ashyqtyǵyn jáne eseptiligin qamtamasyz etýge jol ashatyn zańdy ázirleý men qabyldaýdy tapsyrǵan edi. Júktelgen mindet sheńberinde byltyr elimizdegi azamattyq qoǵam men memlekettik organdar birlese otyryp, «Qoǵamdyq baqylaý týraly» jáne oǵan qosa «Qazaqstan Respýblıkasynyń keıbir zańnamalyq aktilerine qoǵamdyq baqylaý, ákimshilik rásimderdi jetildirý máseleleri boıynsha ózgerister men tolyqtyrýlar engizý týraly» ilespe zań jobasyn ázirledi.
Talqylaýlar nátıjesinde byltyr Prezıdent «Qoǵamdyq baqylaý týraly» jáne ákimshilik rásimderdi jetildirý máseleleri boıynsha ózgerister men tolyqtyrýlar engizý týraly zańdarǵa qol qoıdy. Bıyl sáýir aıynda tolyq kúshine endi. Basty maqsat – otandastarymyzdyń memleket isterin basqarýǵa qatysýyn qamtamasyz etý. Jalpy, Ata zańnyń 33-babyna sáıkes azamattardyń memleket isin basqarýǵa qatysýyna múmkindik beriledi. Jıynda osy azamattyq qoǵam uıymdarynyń saıası dıalogtegi róli aıtyldy.
– Elimizde osyndaı qoǵamdyq baqylaý úrdisine monıtorıng júrgizý jobasy iske asyrylmaqshy. Oǵan mınıstrlik tarapynan qoldaý kórsetip otyrmyz. О́ıtkeni bastama memlekettik organdar men kvazımemlekettik sektor jumysynyń «ashyqtyq» deńgeıin joǵarylatatynyna senimdimin. Ásirese memlekettik baǵdarlamalardy iske asyrýdy jaqsartý úshin tájirıbe almasýǵa, úzdik praktıkalar men birlesken usynymdar ázirleýge yqpal etedi. Memleket pen qoǵam arasyndaǵy ózara senimniń nyǵaıýyna sep bolady, – deıdi Mádenıet jáne aqparat mınıstrligi Azamattyq qoǵam isteri komıteti tóraǵasynyń orynbasary Janargúl Áljanova.
Joba azamattyq qoǵam uıymdary men sybaılas jemqorlyqqa qarsy memlekettik komıtetter, kásipodaq, «Atameken» ulttyq kásipkerler palatasy, memlekettik organdar jáne halyqaralyq seriktestermen tyǵyz yntymaqtastyq negizinde jumys isteýdi kózdep otyr. Osy esepte elimiz úshin paıdaly bolýy múmkin memlekettik baǵdarlamalardy monıtorıngteý isindegi halyqaralyq uıymdardyń tájirıbesi eskerilgen. Konferensııada EO ókildigi óz tájirıbesimen bólisýge daıyn ekenin jetkizdi.
– Jalpy EO О́kildigi men Qazaqstan arasyndaǵy keńeıtilgen áriptestik jáne yntymaqtastyq týraly kelisimge sáıkes Qazaqstanǵa reforma júrgizý men jańǵyrtý úderisterinde qoldaý kórsetile otyryp, demokratııa, zań ústemdigi, adam quqyqtary men negizgi bostandyqtar máselelerine erekshe mán beriledi. Jyl saıyn Sot ádildigi men Ishki ister jónindegi kishi komıtet birlese Adam quqyqtary jónindegi dıalog otyrysyn ótkizip turady. Ortaq birneshe jobalarymyz da bar. Azamattyq ortalyq uıymdarymen seriktestikke qýanyshtymyz. Bul bastama aıasynda birlese jumys istep, memlekettik baǵdarlamalardyń ashyqtyǵy men eseptiligin edáýir arttyramyz, bul Qazaqstan azamattarynyń ómir súrý sapasyn jaqsartýǵa ákeledi,– deıdi Qazaqstandaǵy Eýropalyq Odaq ókildiginiń Yntymaqtastyq bóliminiń meńgerýshisi, birinshi keńesshi Baýr Iohannes.
Joba úsh jyl boıy júzege asyrylady. Ár óńirde respýblıkalyq jáne aýmaqtyq baǵdarlamalardyń oryndalýyn saýatty qadaǵalaıtyn qoǵamdyq baqylaýshylar koalısııasy, ınstıtýt nemese qoǵamdyq baqylaýshylar pýly qurylady. Birinshi kezeńde bastama Túrkistan, Pavlodar, Qostanaı jáne Jetisý oblystarynda jumysyn bastaıdy. Keıin sátti júzege asyrylsa ǵana respýblıka boıynsha tolyq iske qosylady.
– Jetisý oblysynda bul jobanyń mańyzdylyǵy artyp tur. Oǵan birneshe sebep bar. Birinshiden, aımaqtyń ereksheligi men qajettilikteri. Iаǵnı memlekettik baǵdarlamalardy iske asyrý úderisinde eske alýdy talap etetin biregeı áleýmettik ekonomıkalyq sıpattamalar bar óńir. Monıtorıng bul baǵdarlamalardy jergilikti jaǵdaıǵa qanshalyqty beıimdelgenin jáne aımaqtyq máselelerdi sheshýge qanshalyqty yqpal etetinin anyqtaýǵa múmkindik beredi. Ekinshi ereksheligi – ashyqtyq jáne esep berý. Monıtorıng úderisine azamattyq qoǵamdy tartý memlekettik organdar jumysynyń ashyqtyǵyn jáne qoǵam aldyndaǵy eseptilikti arttyrýǵa yqpal etedi, – deıdi «Taldyqorǵan oblystyq áıelderdi qoldaý ortalyǵy» QB ókili Janar Nurmuhanova.
