Áleýmettik qyzmetti aqparattandyrý álsiz

О́ńirlerdegi áleýmettik qyzmetterdi alýshylar ózde­rine zań júzinde tıesili mem­lekettik qoldaý sharalary týraly jetkilikti habardar emes. Oral turǵyndary depýtatpen kezdesýde memlekettik organdardyń bul baǵyttaǵy aqparattandyrýynyń tómen­digine shaǵymdandy. Sonymen qatar psıhologııalyq-medı­sınalyq-pedagogıkalyq komıssııa qyzmetiniń ashyq bolmaýy da suraq týǵyzady.

Ajar Saǵandyqova mem­lekettik organ­darǵa óz jumy­syndaǵy ustanymdary men tásilderin ózgertý jóninde Úkimetke tıisti depýtattyq saýal joldaǵanyn atap ótti.

– Alaıda men memlekettik organdarda buǵan qarajat joq degen jaýap aldym. Bu­ǵan kóp qarjy qajet emes. Tek taldaý júrgizip, tapsy­rys deńgeıinde mundaı komıs­sııalardyń jumys isteý ereje­lerin ózgertip, halyqpen kóbi­rek aralasý qajet. Par­tııa­nyń oblystyq fılıaly­men birlese otyryp, bul jaǵ­daıdy qadaǵalaımyz, – dedi A.Saǵandyqova.

Sondaı-aq depýtat elimizde sıfrlandyrý belsendi damyp kele jatqandyqtan halyqtyń áleýmettik turǵyda az qamtylǵan toptary elek­trondyq qyzmetterdi alý máse­lelerine erekshe nazar ­aýdarý qajettigin basa aıtty.

– Qyzmetterdi úıden shyq­paı-aq elektrondy túrde ja­saý múmkin bolsa da, azamat­tar­ǵa kóptegen mekemeniń esi­gin qaǵýǵa týra keledi. Eger ana tórtinshi balany dúnıege ákel­se, onyń mártebesi avtomat­ty túrde kópbalalyǵa aýysýy kerek. Qazir osy sıfr­lyq platformalardyń bar­ly­ǵyn biriktiretin jańa platforma ázirlenip jatyr, biraq ol óńirlerde áli jumys isteı qoımaǵan. Biz bul máseleni qadaǵalaımyz, – dedi depýtat.

Sapar aıasynda májilismen oblystyq máslıhat depýtattarymen jáne jurtshy­lyqpen de kezdesti. Otyrysta sý tasqynynan zardap shekkenderge ótemaqy esepteý jónindegi komıssııanyń jumysy, kıikterdiń máselesi, óńirdegi basqa da ózekti túıtkilder talqylandy.