Foto: dknews.kz
Depýtattyń pikirinshe, bul - halyq kópten kútken zań. Memleket basshysy lýdomanııany eń qaýipti áleýmettik máselelerdiń biri dep atady.
«Keıbir derekter boıynsha, Qazaqstannyń 400 myńǵa jýyq azamaty qumar oıyn oınap, býkmekerlik keńselerge jıi barady. Budan qoǵamǵa kelip jatqan zalal kóp: otbasylar ajyrasyp jatyr, keıbireýler iri qaryzdarǵa kirgennen keıin qylmys jasaıdy nemese ózin óltirýge bel býady. Prezıdent atap ótkendeı, azamattar onlaın kazınolardyń jáne býkmekerlik keńselerdiń saıttaryna kedergisiz qol jetkize bastady», dep jazdy depýtat.
Senator atap ótkendeı, bul keselge erekshe nazar aýdarý – basty talap.
Eske salaıyq, qumar oıyndarǵa/bás tigýge qatysýǵa tyıym salynatyn adamdardyń tizimi keńeıtildi. Olardyń qataryna Boryshkerlerdiń biryńǵaı tiziliminde turǵan memlekettik laýazymdy qyzmetterdi atqaratyn tulǵalardyń qatysýy shektelgen. Memlekettik qyzmetshiler, qumar oıyndarǵa/bás tigýge qatysqany úshin áskerı qyzmetshiler, arnaýly jáne quqyq qorǵaý organdarynyń qyzmetkerleri jáne t.b. jumystan shyǵarylýy múmkin.
