Foto: kazgazeta.kz
Búgingi tańda «Qazsýshar», «Nura toptyq sý qubyry» jáne Sý resýrstary jáne ırrıgasııa mınıstrliginiń mamandaryn qosqanda elimizdiń sý salasynda 10 myńnan astam adam eńbek etip júr.
Osy oraıda Sý resýrstary jáne ırrıgasııa mınıstri Nurjan Nurjigitov elimizdiń sý sharýashylyǵy qyzmetkerlerin quttyqtady.
«Sý sharýashylyǵy salasynyń barlyq qyzmetkerin kásibı merekemen quttyqtaımyn. Qurmetti áriptester, sizderge zor densaýlyq, qajymas qaırat, qyzmette tabys jáne shańyraqta baqyt-bereke tileımin. Sizderdiń kúndelikti jumystaryńyzdyń arqasynda el azamattary tirshilik nárimen, al aýyl sharýashylyǵy men ónerkásip salasy el ekonomıkasyn damytý úshin qajetti sý resýrsymen qamtamasyz etilgen. Sý tasqyny kezinde táýlik boıy jumys istegen mamandarǵa erekshe alǵys bildiremin. Klımattyq jaǵdaılarǵa baılanysty bıyl túrli qıyndyqqa tap boldyq. Degenmen, sizderdiń kúsh-jigerlerińiz ben janqııarlyq eńbekterińizdiń arqasynda tasqyn sýyn qaýipsiz ótkizip qana qoımaı, elimizdiń sý qoımalaryn toltyrdyq», dedi Nurjan Nurjigitov.
