Bir mezette Qalamgerler alleıasy arqa-jarqa boldy da qaldy. «Mazmundama», «Kitapal» qatarly taǵy birneshe baspa munda shatyr tigip, ónimderin qoıyp, kitap jármeńkesi ashyq aspan astynda qyz-qyz qaınady. Ashylǵandaǵy merekelik konsert sán-saltanatymen alleıadaǵy jurtshylyqty dýmanǵa bólep, kóńilderin kóterdi. Konsert kórýge kelmegen halyq. Kitap alýǵa, avtorlarmen kezdesýge jınalǵan. Negizinen balalarǵa arnalǵan ádebıetter toptastyrylǵan. Basqa da ádebıetter jetkilikti. «Halyq kitap oqymaıdy» degen sóz osyndaı kitap jármeńkelerinde teriske shyǵady desek, artyq emes.
«Kitaphana fest» kitap festıvali – 2019 jyldan beri ótkizilip kele jatqan qalalyq aýqymdaǵy tuńǵysh kitap festıvali. Búgingi tańda festıval aıasynda Qazaqstanǵa belgili avtorlar men baspalardyń qatysýymen birneshe kitaptyń tusaýy kesilip, oqyrmanǵa tanystyrylǵan. Sol arqyly halyqtyń kitap oqýǵa degen qyzyǵýshylyǵyn arttyrý, kitap oqýdy keńinen nasıhattaý, qoǵamnyń mádenı deńgeıin kóterý, belgili aqyn-jazýshylarmen kezdesý uıymdastyrýdy kózdeıdi. Osy joly da avtorlar oqyrmandarymen qaýyshyp, emen-jarqyn áńgime-dúken órbidi.
Keıbir ata-ana balalaryna alǵan kitabyna avtordan qoltańba qoıdyryp aldy. Atap aıtqanda, balalar aqyndary Ákim Ysqaq pen Serikbol Hasan kitaptarynyń tusaýkeser rásimi jasalyp, oqyrmandarǵa bir ýaqytta jol tartyp jatty.
