Foto: Qosshy qalasynyń ákimdigi
Qalada «Jaıly mektep» ulttyq jobasy aıasynda 18 mektep salý josparlanǵan. Onyń 12-si bıyl, qalǵan 6 mektep 2025 jyly paıdalanýǵa beriledi.
Saılaýshylarmen kezdesýde depýtat Danabek Isabekov qurylysty der kezinde aıaqtap, balalardyń bilim alýyna qolaıly jaǵdaı jasaýdyń mańyzyn atap ótti.
«Jaıly mektep» jobasynda mektepterdi bastaýysh jáne orta synyptarǵa arnalǵan jeke bloktarmen, ámbebap májilis zaldarymen, balalarǵa arnalǵan jeke shkaftarmen, oqý-zerthanalyq jabdyqtarmen, joǵary jyldamdyqty ınternetpen jabdyqtaý kózdelgen. Sondaı-aq fızıka, hımııa jáne bıologııa, robottehnıka kabınetteri men STEM-zerthanalary bolady.
Qaýipsizdik máselelerine erekshe kóńil bólinedi. Mektep ǵımarattary terrorıstik qaýipterdiń aldyn alý úshin beınebaqylaý jáne dybystyq eskertý júıelerimen, sondaı-aq esik pen blokty qulyptaý fýnksııasymen jabdyqtalady. Oqýshylardyń sportpen shuǵyldanyp, salamatty ómir saltyn ustanýy úshin bastaýysh jáne joǵary synyp oqýshylaryna sport zaldary men túrli oıyn alańdary salynady. Ár mektepte óz kitaphanasy, oqý zaly, elektrondy kitaphana jáne ár qabatta kovorkıng alańdary bolady.
Byltyr partııanyń saılaýaldy baǵdarlamasy aıasynda Shymkentte 15 mektep salynyp, 3 mektep keńeıtildi.
