Sýretti túsirgen – Erlan OMAR, «EQ»
«Zaýyt óniminiń sapasy sheteldik materıaldan bir mysqal kem emes. Soǵan qaramastan otandyq qurylys kompanııalary moıyn burmaı júr» deıdi seriktestiktiń óndiristik dırektory Ádilet Berkinbaev.
«Jarnama jaǵy kemshin. Sonyń saldarynan zaýytty durystap tanystyryp, materıaldyń sapaly jáne tıimdi ekenin nasıhattaı almaı jatyrmyz. Elordada osyndaı sapaly materıal shyǵarylyp jatqanyn bálkim kóbi bilmes. Al bilgenderiniń ózi eski súrleý, úırenshikti soqpaqpen dál osy ónimdi áli kúnge shetelden ımporttap keledi. Qyrkúıek aıynda paıdalanýǵa beriletin mektep materıaldaryn 20 shildege deıin daıyndap bitirýimiz kerek. Odan keıin 16 jeltoqsanda ashylatyn oqý oshaqtary bar, olardyń tapsyrysyn 30 qazanǵa deıin ázirlep úlgerýge tıispiz», dedi Á.Berkinbaev.
Biraq osydan keıin daǵdaryp qalmaımyz ba degen alańdaýshylyq bar. О́ıtkeni kásiporynǵa kelesi jyly salynatyn mektepterdiń jobasy usynylmaǵan.
«Tapsyrysty túgel oryndap bolǵan soń ári qaraı ne isteımiz? Zaýyt toqtap qalmaı ma? Bizdi qazir osy oı qatty mazalap júr. Sondyqtan eksportqa baılanysty taraptardy kelissózge shaqyryp jatyrmyz. Eger aldaǵy kúz, qys aılarynda jumyssyz turyp qalsaq qıyn tımek. Sebebi úlken nesıemiz bar. Bul zaýytqa ınvestısııanyń 80%-yn «Samuryq-Qazyna» quıǵan. Ony qaıtarý úrdisin bir sátke de irkiltýge bolmaıdy. Osy eki máselege oraı bizde qorqynysh bolyp tur», dedi.
Qalalyq Investısııa jáne kásipkerlikti damytý basqarmasynyń bastyǵy Halel Ákimjanovtyń aıtýynsha, zaýyt úlken sertıfıkattaýdan jaqsy ótti. «Qazir otandyq naryqta qajet materıalǵa degen suranystyń 15%-yn ǵana qamtyp otyrǵany ras. Kásiporynnyń naryqtaǵy ornyn keńeıtýdiń amalyn qarastyryp jatyrmyz», deıdi basqarma basshysy.
Kásiporyn ár materıalyna 20 jylǵa deıin kepildik beredi. Ári otandyq qurylys kompanııalaryna materıaldy eń tómengi baǵamen usynatyn jeńildigi taǵy bar. Memlekettiń ózi qurylys jumystaryna otandyq materıaldar paıdalanylsyn degen bastama kóterip otyr emes pe? Endeshe, «Metal Former» óz elinde ógeıdiń kúıin keshpeýge tıis.
