BRIKS Parlamenttik forýmyna qatysty

Máýlen Áshimbaev kezdesýge qatysýshylarǵa iltıpat bildirip, atalǵan forým álem eleýli syn-qaterlermen betpe-bet kelip otyrǵan kezeńde ótip jatqanyna nazar aýdardy. Búginde ekonomıkalyq jáne klımattyq daǵdarystardyń saldarynan geosaıası shıelenis odan ári ýshy­ǵyp turǵany belgili. Qazaqstan Parlamenti Senatynyń spıkeri osyndaı jaǵdaıda teketiresti azaıtý jáne álemde qaýipsizdik pen turaqtylyqty qamtamasyz etetin tıimdi sheshimder tabý mańyzdy mindet ekenin atap ótti.

«Qazaqstan Respýblıkasy­nyń Pre­zı­denti Qasym-Jomart Kemeluly Toqaev qasań dúnıeta­nym stereotıpterin eńserý jáne ashyqtyq pen syndarly yn­tymaqtastyq negizderin ny­ǵaı­tý qajettigin únemi aıtyp keledi. Qazaqstan qaýipsiz jáne teńgerimdi álem qurýǵa arnalǵan tyń tásilder usynatyn BRIKS sııaqty mańyzdy halyqaralyq uıymdarmen seriktestikti odan ári arttyrýdy belsendi túrde qoldaıdy. Bul ustanym Qazaqstannyń halyqaralyq jáne óńirlik turaqtylyqty nyǵaıtýǵa baǵyttalǵan saıasatymen úndes», dedi M.Áshimbaev.

Sondaı-aq Senat tóraǵasy senim daǵdarysyn eńserý jáne halyqtar men memleketter arasyndaǵy baılanys­tardy odan ári nyǵaıtý isinde parlamenttik dıplomatııany barynsha tıimdi paıdalanýdyń mańyzdylyǵyna toqtaldy. Osyǵan baılanysty Máýlen Áshimbaev parlamentaralyq ózara is-qımyldyń birqatar negizgi baǵyttaryn atap ótti.

«Azyq-túlik qaýipsizdigi par­lamentaralyq ózara is-qı­myldyń basym baǵyttarynyń biri ekeni belgili. Búgingi geosaıası týrbýlenttilik jáne jahandyq klımattyq ózgerister jaǵdaıynda bul salanyń mańyzy artyp otyr. Qazirgi tańda BRIKS elderiniń aýylsharýashylyq salasyndaǵy ortaq áleýeti jalpy álemdik múmkindiktiń jartysynan asady. TMD elderi, onyń ishinde Qazaq­stan da mańyzdy agroındýstrııa­lyq áleýetke ıe. Qazir álemde azyq-túliktiń turaqty jáne boljamdy baǵasy, logıstıkalyq tizbekterdiń qaýipsizdigi, sý jáne jer resýrstaryn tıimdi paıdalaný jolynda ınnovasııany engizý asa mańyzdy másele. Osy baǵyttaǵy birlesken qadam­dar azyq-túlik teńgerimsizdigin azaıtýǵa yqpal etip, elderimizdiń turaqty damýyna eleýli úles qosar edi», dedi M.Áshimbaev.

Sonymen qatar Palata spı­keri Ornyqty damý maqsattary­na qol jetkizýde parlament­ara­lyq ózara is-qımyl mańyz­dy ról atqaratynyn til­ge tıek etti. Ol bul baǵyttaǵy jumys­ty odan ári arttyrý úshin Qazaqstanda Ornyqty damý salasyndaǵy ulttyq maqsat­tar men mindetterdiń iske asy­rylýyna monıtorıng júrgizý jónindegi Parlamenttik komıssııa qurylǵanyn aıtty.

«Ornyqty damý baǵytynda parlamentaralyq dıalog ornatý úshin arnaıy platforma qurýdy usynamyz. Mundaı bastama BRIKS jáne TMD elderiniń parlamentterine Ornyqty damý maqsattaryna qol jetkizý jolynda birlesip jumys isteýge múmkindik beredi. О́zara is-qımyldyń taǵy bir keleshektegi baǵyty – ǵylym, jańa tehnologııalar men ınnovasııalar salasy. Bul sala bizdiń elderimizdiń básekege qabi­lettiligin arttyrýda aıryqsha mánge ıe jáne ekonomıkalyq ósýdiń mańyzdy faktory ekeni anyq», dedi Senat tóraǵasy.

Parlamentaralyq is-qımyl­dy jandandyratyn kelesi baǵyt – sıfrlyq yntymaq­tastyq­ty nyǵaıtý. Máýlen Áshimbaev­­tyń aıtýynsha, kıberqaýip­sizdik, derekterdi qorǵaý, elektron­dyq kommersııa salasyndaǵy zań­namany jetildirý baǵytta­ryn­da depýtattardyń birlesip jumys isteýi jáne sıfrlyq baǵytty retteý sektorynda tájirıbe almasý erekshe mańyzǵa ıe.

Forým jumysyna Ázer­baıjan, Armenııa, Belarýs, Brazılııa, Mysyr, Úndistan, Iran, Qytaı, Qyrǵyzstan, BAÁ, Reseı, Tájikstan, О́zbekstan, Efıopııa, Ońtústik Afrıka parlamentteriniń ókilderi qatysty. Is-shara kezinde Reseı prezıdenti Vladımır Pýtın sóz sóılep, forýmǵa qatysýshylarǵa iltıpat bildirdi.

Sonymen qatar Forým aıasynda Máýlen Áshimbaev sheteldik áriptesterimen birqatar ekijaqty kezdesýler ótkizdi. О́zbekstan Respýblıkasy Olıı Májilisi Senatynyń tóraǵasy Tanzıla Narbaevamen kezdesýde eki eldiń parlamentaralyq baılanystaryn damytý keleshegi jáne óńir­lik yntymaqtastyqty odan ári keńeıtý máseleleri talqy­lan­dy. Atap aıtqanda, taraptar «Orta­lyq Azııa – 2040» strategııa­syn iske asyrý aıasyndaǵy birlesken jumys týraly pikir almasty.

Odan bólek, Senat spıkeri Iran Májilisiniń tóraǵasy Moham­med-Bager Galıbafpen kez­desip, eki eldiń parlamentaralyq yntymaqtastyǵyn nyǵaıtý barysyna toqtaldy. Máýlen Áshimbaev Qazaqstan men Iran arasyn­daǵy qarym-qatynas kóptegen salada qarqyndy damyp kele jatqanyn atap ótti. Búginde ózara syn­darly saıası dıalog jolǵa qoıyl­dy, berik sharttyq-quqyqtyq baza qalyptasty. Ekonomıkalyq jáne mádenı-gýmanıtarlyq baılanystar da nyǵaıyp keledi. Osyǵan baılanysty taraptar eki memlekettiń parlament­teri arasyndaǵy yntymaqtastyq­ty odan ári damytýǵa múddeli ekenderin bildirdi.