Vedomstvo basshysynyń málimetinshe, eń aldymen, jumystardy josparlaýdan bastap olardy qabyldaýǵa deıingi barlyq qurylys prosesteri zerdelenetin bolady, NQA men QNjE jemqorlyq normalaryna, qaqtyǵystar men olqylyqtarǵa tekserý júrgizildi.
Agenttiktiń qylmystyq-quqyqtyq tájirıbesi kórsetkendeı, JSQ qunyn asyra baǵalaý oryn alýdyn jáne sapasyz materıaldar, jabdyqtar men tehnologııalar paıdalanylatynyn kórsetedi.
Jumysty tolyq kólemde oryndamaıtyn úlestes jáne josyqsyz kompanııalar tartylǵan. Jalpy, sońǵy 3,5 jylda Sybaılas jemqorlyqqa qarsy qyzmet 65 jemqorlyq quqyq buzýshylyqty tirkedi, olar boıynsha zalal shamamen 9 mlrd teńgeni qurady.
Jumystyń ekinshi baǵyty – joldardyń aǵymdaǵy qurylysyna monıtorıng júrgizý.
Búkil el boıynsha 2 trln teńgeden astam qarjy bólingen 217 ýchaske qamtyldy.
Agenttiktiń erekshe baqylaýymen 12 aýqymdy joba bar.
Olardyń árqaısysyna jergilikti jerlerde jumysty úılestiretin jaýapty tulǵalar bekitildi, - dedi ol.
Barlyq óńirde qoǵam belsendileri, sondaı-aq osy saladaǵy sarapshylar kiretin monıtorıngtik toptar quryldy.
Qazirdiń ózinde taldaý barysynda buzýshylyqtar anyqtalýda.
Máselen, 5 óńirde 4,8 mlrd teńge somasyna artyq jáne qaıtalama jumystardy qosý jolymen smetalardy asyra baǵalaý anyqtaldy, al 6 óńirde júrgiziletin jumystardy tıimsiz josparlaý belgilendi.
Mysaly, Abaı oblysynda 20 mln teńgege shuńqyrly jóndeý júrgizilgennen keıin, sol ýchaskede 1 mlrd teńgege aǵymdaǵy jóndeý júrgizilýde, - dep qosty Jumaǵalı.
Taldaý qorytyndylary týraly prezıdent pen jurtshylyq habardar etiledi.
